News Summary
Generated by OK AI. Editorially reviewed.- मालिका गाउँपालिका–५ मा न्यू देविस्थान युथ क्लबले तिहारका अवसरमा गौडाखोलादेखि देउराली खोलासम्मको मोटरबाटो सरसफाइ र मर्मतसम्भार गरेको छ।
- क्लबका सचिव सुभास पुन मगरका अनुसार मङ्गलबार ३० जना युवाले श्रमदान गरी सडकमा जमेको माटो, ढुङ्गा र झाडी हटाएका हुन्।
- क्लबले सडक मर्मत अभियानमा खाजामा रु १० हजार ७९० खर्च भएको र लक्ष्मीकुमार पुन, रेशम घर्ती मगर तथा रेकबहादुर पुनले आर्थिक सहयोग गरेको जनाएको छ।
२६ कात्तिक, म्याग्दी । म्याग्दीको मालिका गाउँपालिका–५ मा न्यू देविस्थान युथ क्लबको आयोजनामा तिहार पर्वका अवसरमा गौडाखोलादेखि देउराली खोलासम्मको मोटरबाटो सरसफाइ तथा मर्मतसम्भार गरिएको छ ।
क्लबका पदाधिकारी तथा सदस्य, आमा समूह र स्थानीय अग्रजहरूको सहभागितामा मङ्गलबार श्रमदान गरी मोटरबाटोमा जमेको माटो, ढुङ्गा तथा झाडी हटाउनाका साथै आवश्यक मर्मतसम्भार गरिएको हो ।
बर्खायाममा अवरुद्ध सडक मर्मतमा ढिलाइ हुँदा स्थानीयवासीलाई आवतजावत र ढुवानीमा समस्या भएको थियो । सरकारी निकायको मुख ताकेर बस्दा ढिलाइ भएपछि युवाहरूले सडक मर्मतका लागि अगुवाइ गरेका हुन् ।
अभियानमा ३० जना युवा सहभागी भएको क्लबका सचिव सुभास पुन मगरले जानकारी दिए । उनका अनुसार तिहार मनाउन जन्मथलोमा भेला भएका युवीहरूले सामाजिक क्षेत्रमा योगदान पुर्याउने उद्देश्यले सडक मर्मत गर्न श्रमदान गरेका हुन् ।
श्रमदान अभियानमा लक्ष्मीकुमार पुन, रेशम घर्ती मगर र रेकबहादुर पुनले ढुवानीका लागि ट्याक्टरको भाडा र खाजाका लागि आर्थिक सहयोग गरेको क्लबले जनाएको छ । खाजामा रु १० हजार ७९० खर्च भएको क्लबले जनाएको छ । रासस
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Lasuntar")
.jpg "Bungalow House for Sale at Budhanilkantha")
.jpeg "House for Sale at Lubhu")
.jpg "Residential Land for Sale at Balkot")
%20-%20Copy.jpg "House for Sale at Bhaisepati")
प्रतिक्रिया 4