गोविन्द गिरी ‘प्रेरणा’को उपन्यास ‘उत्खनन्’को दोस्रो संस्करण सार्वजनिक

काठमाडौं । लेखक गोविन्द गिरी प्रेरणाको उपन्यास ‘उत्खनन्’को दोस्रो संस्करण सार्वजनिक भएको छ । साझा प्रकाशनले पहिलो उपन्यास सार्वजनिक भएको ३४ वर्षपछि दोस्रो संस्करण प्रकाशित गरेको हो ।

उपन्यासमा उत्खनन् काठमाडौं, उत्खनन् हेटौंडा र उत्खनन् भैरहवा गरी तीन खण्ड छन् । उपन्यासले २०३६ सालदेखि एक दशकसम्मको कालखण्डको नेपालको अवस्थालाई चित्रण गरेको छ ।

साझा प्रकाशनले यो उपन्यास आफ्ना शाखा र विक्रेता एजेण्टमार्फत देशभर उपलब्ध हुने जनाएको छ ।