तनहुँमा बस र स्कुटर ठोक्किँदा एक जनाको मृत्युु

News Summary

Generated by OK AI. Editorially reviewed.

तनहुँको बिमलनगरमा बस र स्कुटर ठोक्किँदा २८ वर्षीय पुनराम गुरुङको मृत्यु भएको छ।
गम्भीर घाइते मनोज गुरुङको चितवन मेडिकल कलेजमा उपचार भइरहेको छ।
दुर्घटनाको थप अनुसन्धान जिल्ला प्रहरी कार्यालय तनहुँले गरिरहेको छ।

२५ असोज, गोरखा । पृथ्वी राजमार्ग अन्तरगत तनहुँको बिमलनगरमा भएको सवारी दुर्घटनामा एक व्यक्तिको ज्यान गएको छ ।

आबुखैरेनीबाट डुम्रे जाँदै गरेको ग १ ख ९७०८ नम्वरको बस र विपरित दिशाबाट आउँदै गरेको ग २६ प ९२८७ नम्वरको स्कुटर शनिबार एक आपसमा ठोक्किएर दुर्घटना भएको हो ।

दुर्घटनामा परि स्कुटर चालक गोरखाको धार्चे गाउँपालिका–७ का २८ बर्षीय पुनराम गुरुङको ज्यान गएको प्रहरीले जनाएको छ । डुम्रेस्थित लक्ष्मी सिटी अस्पतालमा समान्य उपचार पश्चात थप उपचारका लागि गुरुङलाई चितवन मेडिकल कलेज पठाइएको थियो ।

उपचारको क्रममा चिकित्सकले उनलाई मृत घोषणा गरेको जिल्ला प्रहरी कार्यालय तनहुँले जनाएको छ ।

स्कुटरको पछाडी सवार धार्चे गाउँपालिका–७ कै ३२ बर्षीय मनोज गुरुङ घाइते भएका छन् ।

टाउकोमा चोट लागेको उनको चितवन मेडिकल कलेजमा उपचार भइरहेको छ । उनको अवस्था पनि गम्भिर रहेको प्रहरीले जनाएको छ । घटनाबारे थप अनुसन्धान भइरहेको प्रहरीले जनाएको छ ।