अस्ताउँदो सूर्यलाई दिइयो अर्घ्य (तस्वीरहरू)

News Summary

Generated by OK AI. Editorially reviewed.

आज १० कात्तिक, काठमाडौंमा छठ पर्वको मुख्य दिन अस्ताउँदो सूर्यलाई पूजा गरी अर्घ्य दिइएको छ।
राष्ट्रपति रामचन्द्र पौडेल र प्रधानमन्त्री सुशीला कार्कीले कमलपोखरीमा छठीमाइको पूजा अर्चना गरेका छन्।
काठमाडौंका २१ स्थानमा पूजास्थल निर्माण गरिएको छ र तराईसँगै पहाडी तथा हिमाली क्षेत्रका मानिसले पनि छठ मनाउँदै आएका छन्।

१० कात्तिक, काठमाडौं। छठ पर्वको मुख्य दिन आज साँझ अस्ताउँदो सूर्यलाई पूजा आराधना गरी अर्घ्य दिइएको छ ।

छठ पर्वको मुख्य दिन अस्ताउँदो सूर्यलाई पूजा आराधना गरी अर्घ्य दिइन्छ भने त्यसको भोलिपल्ट बिहान उदाउँदो सूर्यलाई अर्घ्य दिएर छठ समापन गरिन्छ ।

ब्रतालुले आज रातभर जाग्राम बसेर भोलि बिहान उदाउँदो सूर्यलाई अर्घ्य्य दिन्छन् ।

अस्ताउँदो सूर्यलाई अर्घ्य दिन सोमबार साँझ राष्ट्रपति रामचन्द्र पौडेल गौरीगाठ र प्रधानमन्त्री सुशीला कार्कीले कमलपोखरीमा पुगेर छठीमाइको पूजा अर्चना गरेका छन् ।

राजधानीका गौरीघाट, कमलपोखरी, विष्णुमती, नख्खु, गहनापोखरी, कुपण्डोललगायत काठमाडौँको २१ स्थानमा पूजास्थलको निर्माण गरिएको छ ।

विशेषगरी तराई क्षेत्रमा मनाइने छठ पछिल्लो समय पहाडी र हिमाली क्षेत्रका मानिसले पनि मनाउँदै आएको पाइन्छ । गौरीघाट छठ पूजा व्यवस्थापन समितिका अध्यक्ष अनिल सिंहले तराई केन्द्रित छठ पछिल्लो समय राजधानीसँगै अन्य क्षेत्र समुदायले मनाउँदा सामाजिक सद्भाव र एकता कायम भएको बताए ।

छठको व्रत विधिपूर्वक सम्पन्न गर्नाले मनोवाञ्छित फल पाइने, परिवारको कल्याण हुने र आफ्ना सम्पूर्ण दुःख र कष्ट हटेर जाने जनविश्वास छ ।

हेर्नुहोस् छठपूजाका तस्वीरहरू :