‘इन्गेजमेन्ट’ चर्चाले हैरान गरिमा, यथार्थ के हो ?

News Summary

Generated by OK AI. Editorially reviewed.

मोडल तथा अभिनेत्री गरिमा शर्माले सामाजिक सञ्जालमा फैलिएको इन्गेजमेन्टको अफवाहप्रति प्रष्टिकरण दिइन्।
उनी भन्छिन्, \'म अमेरिका छु, नेपालमा मेरो इन्गेजमेन्ट भैसकेको छ, तर त्यो गलत समाचार हो।\'

काठमाडौं । मोडल तथा अभिनेत्री गरिमा शर्मा एक फिल्मी कार्यक्रमलाई लिएर अहिले अमेरिका घुमघाममा ब्यस्त छिन् । तर, स्वदेशमा भने उनको ‘इन्गेजमेन्ट’ चर्चा सामाजिक सञ्जालमा गर्माएको छ ।

उनले इन्गेजमेन्ट गर्दै गरेको जस्तो देखिने फोटो, भिडियो सामाजिक सञ्जालमा व्यापक सेयर भइरहेको छ । कतिपयले उनलाई बधाई तथा शुभकामना समेत दिएका छन् ।

यो चर्चाले भने गरिमालाई हैरान पारिरहेको देखिन्छ । उनले सामाजिक सञ्जालबाटै यसबारे प्रष्टीकरण दिँदै ‘फेक न्यूजले गर्दा आफू निराश’ भएको बताएकी छिन्, त्यो पनि सामाजिक सञ्जालको स्टाटसबाटै ।

उनी लेख्छिन्, ‘आफू यता अमेरिकामा छु । नेपालमा मेरो इन्गेजमेन्ट भैसकेछ । बिहे चाहिँ म नेपाल फर्केपछि गरौँला है । अब के भन्नु ? गलत समाचारको कारण सँधैजसो निराश छु ।’

यथार्थमा, जुन फोटो भाइरल भइरहेको छ, त्यो गरिमा अभिनित एक पुरानो म्युजिक भिडियोको स्क्रिनसट हो । जसलाई लिएर सामाजिक सञ्जालमा अफवाह फैलिएको देखिन्छ ।