सुदूरपश्चिम महोत्सवमा गुञ्जियो ‘दुश्मन हेरेको हेर्‍यै’

News Summary

Generated by OK AI. Editorially reviewed.

गायक दुर्गेश थापाले धनगढीमा आयोजित सुदूरपश्चिम महोत्सवमा एक लाखजना दर्शक सामुन्ने भब्य प्रस्तुति दिएका छन्।
उनले आफ्नो ग्लोबल हिट 'दुश्मन हेरेको हेर्‍यै' सहितका ट्रयाकमा दर्शकलाई नचाएका थिए।
धनगढी उद्योग वाणिज्य संघले आयोजना गरेको महोत्सवमा दुर्गेशलाई फ्यानले घेर्दै क्रेज प्रस्तुत गरे।

काठमाडौं । गायक दुर्गेश थापाले धनगढीमा आयोजित सुदूरपश्चिम महोत्सवमा भब्य प्रस्तुति दिएका छन् । एक लाखजना दर्शक सामुन्ने आफू गुञ्जिएको दुर्गेशले अनलाइनखबरलाई बताए ।

‘धेरैपछि लाखौं दर्शकमाझ प्रस्तुति दिन पाएकोमा औधि खुसी छु’ उनले भने, ‘वाइल्ड फायर कन्सर्ट रह्यो ।’ दुर्गेशले आफ्नो ग्लोबल हिट ‘दुश्मन हेरेको हेर्‍यै’ सहितका ट्रयाकमा दर्शकलाई नचाएका थिए ।

चिसिएको धनगढीमा दुर्गेशले महोत्सवको माहोल तताउँदै दर्शकलाई मनोरञ्जन दिए । धनगढी उद्योग वाणिज्य संघले आयोजना गरेको महोत्सवमा दुर्गेशलाई फ्यानले घेर्दै क्रेज प्रस्तुत गरे ।

धनगढीमा प्रस्तुति दिन उनी आफ्नो टिमसँग त्यहाँ पुगेका थिए । प्राप्त तस्वीर र भिडियोमा पनि दुर्गेशलाई सुन्न उर्लिएको दर्शकीय भीड देखिन्छ । पछिल्लो समय स्वदेश र विदेशमा समेत सबैभन्दा डिमान्डेड कलाकार बनेका दुर्गेशले आफ्नो चर्चित अमेरिका टूरपछि नेपालका विभिन्न ठाउँमा प्रस्तुति दिइरहेका छन् ।

उनी यसपछि इलाम, भारतको सिक्किम लगायतका थलोमा प्रस्तुति दिन जाँदैछन् ।