कांग्रेस कास्की विशेष महाधिवेशनको पक्षमा, प्रतिनिधिलाई अनिवार्य उपस्थित हुन अपिल

News Summary

Generated by OK AI. Editorially reviewed.

नेपाली कांग्रेस कास्कीले २७–२८ पुसमा काठमाडौंमा हुने विशेष महाधिवेशन सफल बनाउन जिल्लाका प्रतिनिधिहरूलाई सक्रिय भूमिका निर्वाह गर्न अपिल गरेको छ।
जिल्ला सभापति किशोरदत्त बरालले विशेष महाधिवेशनमा अनिवार्य रूपमा उपस्थित भई पार्टीको वैचारिक स्पष्टता र संगठनात्मक एकता कायम राख्न आग्रह गर्नुभएको छ।
बरालले नेपाली कांग्रेसलाई लोकतन्त्र, समावेशिता र राष्ट्रिय एकताको आधारशीला भनेका छन् र प्रतिनिधिहरूको गरिमामय उपस्थिति आवश्यक रहेको बताउनुभएको छ।

२४ पुस, काठमाडौं । नेपाली कांग्रेस कास्कीले काठमाडौंमा हुन गइरहेको विशेष महाधिवेशनलाई सफल बनाउनका लागि सक्रिय भूमिका निर्वाह गर्न जिल्लाका प्रतिनिधिहरूलाई अपिल गरेको छ ।

जिल्ला सभापति किशोरदत्त बरालले बिहीबार विञप्तिमार्फत् २७–२८ मा हुन गइरहेको विशेष महाधिवेशन सफल बनाउनका लागि सक्रिय भूमिका निर्वाह गर्न जिल्लाका प्रतिनिधिहरूलाई अपिल गरेका हुन् ।

‘नेपाली कांग्रेस कास्कीको सभापतिको हैसियतले म तपाईंहरु सबैमा विशेष महाधिवेशनमा अनिवार्य रूपमा उपस्थित भई महाधिवेशनलाई सफल, ऐतिहासिक र सार्थक बनाउन सक्रिय भूमिका निर्वाह गर्न हार्दिक अपिल गर्दछु,’ उनले भनेका छन् ।

पार्टीको वैचारिक स्पष्टता, संगठनात्मक एकता, आन्तरिक लोकतन्त्र र देशको समसामयिक राजनीतिक चुनौतीहरूबारे गम्भीर निर्णय लिने विशेष अवसरमा कास्कीबाट निर्वाचित सम्पूर्ण महाधिवेशन प्रतिनिधिहरूको सक्रिय, जिम्मेवार र गरिमामय उपस्थिति अत्यावश्यक रहेको बरालको भनाइ छ ।

‘नेपाली कांग्रेस केवल एउटा राजनीतिक संगठन मात्र होइन, यो लोकतन्त्र, समावेशिता र राष्ट्रिय एकताको आधारशीला हो,’ उनले भनेका छन्, ‘यस्तो ऐतिहासिक घडीमा तपाईंहरूको सहभागिता केवल औपचारिक उपस्थिति नभई पार्टीको भविष्य र राष्ट्रको दिशानिर्देशनसँग प्रत्यक्ष रूपमा जोडिएको कर्तव्य हो भन्नेमा म विश्वस्त छु ।’

No description available.