कांग्रेसलाई ठूलो क्षति भयो : चन्द्र भण्डारी

News Summary

Generated by OK AI. Editorially reviewed.

नेता डा. चन्द्र भण्डारीले नेपाली कांग्रेसको विभाजनले पार्टीलाई ठूलो क्षति पुर्‍याएको प्रतिक्रिया जनाएका छन्।
कांग्रेसको देउवा पक्षले केन्द्रीय कार्यसमितिको बैठक बसेर महामन्त्री गगनकुमार थापा, विश्वप्रकाश शर्मा र सहमहामन्त्री फरमुल्लाह मन्सुरलाई निष्कासन गरेको छ।
विशेष महाधिवेशन पक्षधरले गगनको नेतृत्वमा नयाँ कार्यसमिति चयनको प्रक्रिया अघि बढाइरहेको छ।

३० पुस, काठमाडौं । नेपाली कांग्रेसका नेता डा. चन्द्र भण्डारीले विभाजनले पार्टीलाई ठूलो क्षति पुर्‍याएको प्रतिक्रिया जनाएका छ ।

सामाजिक सञ्जालमार्फत प्रतिक्रिया व्यक्त गर्दै भण्डारीले अथक प्रयासका बाबजुद पार्टीलाई एकढिक्का बनाउन नसकिएको उल्लेख गरेका छन् ।

‘अन्यत्न दु:खद । कांग्रेसलाई ठूलो क्षति । एक दिन मिल्नु नै छ । जुन विगतको अनुभव हामीसँग छ । तर, अथक प्रयास सफल हुन सकेन,’ उनले लेखेका छन् ।

अहिले विभाजित अवस्थामा पुगेको कांग्रेस एक दिन मिल्नै पर्ने धारणा व्यक्त गरेका छन् ।

काठमाडौंमा चलिरहेको दोस्रो विशेष महाधिवेशन पक्षधर निर्वाचन प्रक्रियामा अघि बढेपछि कांग्रेसको देउवा पक्षले पार्टी केन्द्रीय कार्यालयमा केन्द्रीय कार्यसमितिको बैठक बसी महामन्त्रीद्वय गगनकुमार थापा र विश्वप्रकाश शर्मा तथा सहमहामन्त्री फरमुल्लाह मन्सुरलाई निष्कासनको निर्णय गरेको थियो ।

सो निर्णयपछि कांग्रेस विभाजित भएको छ । विशेष महाधिवेशन पक्षधरले गगनको नेतृत्वमा नयाँ कार्यसमिति चयनको प्रक्रिया अघि बढाइरहेको छ ।