‘द ब्लू लाइट’ को प्रदर्शन स्थगित गर्ने निर्णय

News Summary

Generated by OK AI. Editorially reviewed.

फिल्म ‘द ब्लू लाइट’ निर्माता कम्पनी स्काइफल पिक्चर्सले प्रदर्शन स्थगित गर्ने निर्णय गरेको छ।
यो फिल्म शुक्रबारदेखि प्रदर्शनमा आएको थियो र सुखद प्रतिक्रिया प्राप्त गरेको थियो।
निर्मात्री बेनिशा हमालले डेब्यू गरेको फिल्मको डिजिटल अधिकार पनि उनको प्रोडक्सन कम्पनीले लिएको छ।

काठमाडौं । फिल्म ‘द ब्लू लाइट’ लाई हलबाट उतार्ने निर्णय यसका निर्माताले गरेका छन् । निर्माता कम्पनी स्काइफल पिक्चर्सले सोमबार विज्ञप्ति जारी गर्दै हलबाट हटाउने (प्रदर्शन स्थगित गर्ने) निर्णय गरिएको जनाएको छ ।

यो फिल्म शुक्रबारदेखि प्रदर्शनमा आएको थियो । फिल्मलाई सशक्त तयारी र प्रभावकारी प्रचार रणनीतिसहित पुनः प्रदर्शन गरिने पनि उक्त विज्ञप्तिमा उल्लेख छ ।

फिल्मले सुखद प्रतिक्रिया प्राप्त गरेको थियो । यसको औपचारिक बक्सअफिस विवरण पनि बाहिर आइसकेको छैन । यो फिल्मबाट अभिनेत्री बेनिशा हमालले निर्मात्रीको रुपमा डेब्यू गरेकी थिइन् ।

बेनिशाकै प्रोडक्सन कम्पनीले यो फिल्मको डिजिटल अधिकार पनि लिएको थियो । थ्रीलर ड्रामामा अर्पण थापा, बेनिशा हमाल, आयुष्मान जोशी, सृष्टि श्रेष्ठ, महेश त्रिपाठी लगायतको अभिनय छ ।