‘लालिमा’ को नयाँ पोस्टरले फिल्मबारे के दर्शाउँछ ?

News Summary

Generated by OK AI. Editorially reviewed.

फागुन २९ गते प्रदर्शन हुने फिल्म 'लालिमा' को दोस्रो अफिसियल पोस्टर सार्वजनिक भएको छ।
पोस्टरमा मुख्य पात्रले यौनकर्मीको भूमिका निर्वाह गरेको जनाइएको छ।
निर्देशक रोशन मिराजले नयाँ पोस्टरले शक्ति, आत्मविश्वास, सहनशीलता र परिवर्तनको संकेत दिन्छ भनेका छन्।

काठमाडौं । फागुन २९ गते प्रदर्शन मिति तोकिएको फिल्म ‘लालिमा’ को दोस्रो अफिसियल पोस्टर सार्वजनिक भएको छ । निर्माताले शीर्ष अभिनेत्री रोशनी कार्कीलाई फिचर्ड गर्दै शुक्रबार पोस्टर सार्वजनिक गरेको हो ।

यसअघि सार्वजनिक गरिएको पहिलो झलकले फिल्मप्रति कौतुहलता सिर्जना गरेकाले दोस्रो सार्वजनिक गरिएको निर्देशक तथा लेखक रोशन मिराजले बताए ।

दोस्रो पोस्टरमा समस्यामा जेलिएकी पात्रालई आत्माविश्वासी, सहनशील र शान्त देखाइएको छ । फिल्ममा मुख्य पात्रले यौनकर्मीको भूमिका निर्वाह गरेको जनाइएको छ ।

पोस्टरबारे निर्देशक मिराज भन्छन्, ‘पहिलो पोस्टरले असहायता र रहस्यलाई केन्द्रमा राखेको थियो । नयाँ पोस्टरले शक्ति, आत्मविश्वास, सहनशीलता र परिवर्तनको संकेत दिन्छ ।’

पुरुषतर्फको शीर्ष भूमिकामा जीवन भट्टराई छन् । उनीसँगै उषा रजक, सुष्मा निरौला, घनश्याम जोशी, सविन कट्टेल र शिशिर वाङ्देलको पनि अभिनय छ ।

३ हजार यौनकर्मीको अनुभव, संघर्ष र भोगाइमा आधारित रहेर यो फिल्म तयार भएको मेकरको दाबी छ । फेथ आस्थाको प्रस्तुतिमा बनेको यस फिल्मकी कार्यकारी निर्माता रीना लामा हुन् ।

दीपक दंगालको नेसनल सिने ग्रुप नेपालले यो फिल्मलाई २९ फागुनमा देशब्यापी वितरण गर्दैछ ।