मन्त्री रावलले सहकारी पीडितसँग थालिन् छलफल

News Summary

Generated by OK AI. Editorially reviewed.

भूमि व्यवस्था, सहकारी तथा गरिबी निवारण मन्त्री प्रतिभा रावलले बिहीबार बिहान मन्त्रालयमा सहकारी पीडितसँग छलफल सुरु गरेकी छन्।
सरकारले सहकारी पिडितको रकम १०० दिनभित्र बचत फिर्ता गर्ने प्रतिबद्धता गरेको छ।
मन्त्री रावलले सहकारी पीडितको समस्या समाधानलाई उच्च प्राथमिकतामा राखिएको र साना बचतकर्तालाई राहत दिने बताइन्।

१९ चैत, काठमाडौं । भूमि व्यवस्था, सहकारी तथा गरिबी निवारण मन्त्री प्रतिभा रावलले सहकारी पीडितसँग छलफल सुरु गरेकी छन् । बिहीबार बिहान मन्त्रालयमा सहकारी पीडितहरू बोलाएर मन्त्री रावलले छलफल सुरु गरेकी हुन् ।

रास्वपाले वाचापत्रमा राखे अनुसार सरकारले सहकारी पिडितको रकम १०० दिनबाट बचत फिर्ता गर्न प्रतिबद्धता गरेको छ । विभिन्न सहकारीका पीडितहरूले मन्त्री रावलसँग आफ्ना समस्या र गुनासा राखेको उनको सचिवालयले जानकारी गराएको छ ।

मन्त्री रावलले वर्तमान सरकारले सहकारी पीडितहरूको समस्या समाधान गर्ने कार्यलाई उच्च प्राथमिकतामा राखेको पीडितहरूलाई जानकारी गराएकी थिइन् ।

‘पीडितहरूको सम्बोधन कसरी प्रभावकारी रूपमा गर्ने भन्ने विषयमा मन्त्रालय गम्भीर छ,’ पीडितलाई आवश्वस्त पार्दै भनिन् ।

सरकारले सहकारी क्षेत्रमा देखिएका समस्या समाधान गर्न चरणबद्ध रूपमा काम अघि बढाएको मन्त्री रावलले जानकारी गराइन् । साना बचतकर्ताहरूलाई राहतलाई पहिलो प्राथमिकतामा राखिएको मन्त्री रावलले भनाइ छ ।