प्रारम्भिक कारोबारमा सम्हालियो सेयर बजार, रिलायन्समा बिक्री चाप

News Summary

Generated by OK AI. Editorially reviewed.

सोमबार सेयर बजार पहिलो एक घण्टामा ५८ अंकले बढेर नेप्से परिसूचक २७३५ अंकमा पुगेको छ।
पहिलो एक घण्टामा ३ अर्ब ७१ करोडको कारोबार भएको छ र २५६ कम्पनीको मूल्य बढेको छ।
भुजुङ हाइड्रोपावर, सुपरखुदी हाइड्रोपावर, रिजलाइन इनर्जी, सूर्यकुन्ड हाइड्रो इलेक्ट्रिक र होटल फरेस्ट इनको मूल्य १० प्रतिशतले बढेको छ।

२३ चैत, काठमाडौं । सोमबार प्रारम्भिक कारोबारमा सेयर बजार सम्हालिएको छ । अघिल्लो दिन १०५ अंक घटेको सेयर बजार सोमबार पहिलो एक घण्टामा ५८ अंक बढेको हो ।

सो वृद्धिसँगै १२ बजे नेप्से परिसूचक २७३५ अंकमा रहेको छ । कारोबार रकम पनि बढ्ने संकेत देखिएको छ । पहिलो एक घन्टामै ३ अर्ब ७१ करोडको कारोबार भएको छ ।

२५६ कम्पनीको मूल्य बढेको छ भने १० को घटेको छ । अधिकांश समूहका सूचक बढेका छन् । बैंकिङ, विकास बैंक, फाइनान्स, होटल तथा पर्यटन २ प्रतिशतभन्दा धेरै बढेका छन् । हाइड्रोपावर ३ प्रतिशत बढेको छ ।

त्यस्तै व्यापार, निर्जीवन बीमा, अन्य, माइक्रोफाइनान्स, जीवन बीमा, लगानी १ प्रतिशतभन्दा धेरैले बढेका छन् । ५ कम्पनीको मूल्य १० प्रतिशत बढेको छ । १० प्रतिशत बढेकामा भुजुङ हाइड्रोपावर, सुपरखुदी हाइड्रोपावर, रिजलाइन इनर्जी, सूर्यकुन्ड हाइड्रो इलेक्ट्रिक, होटल फरेस्ट इन छन् ।

अघिल्लो दिन १० प्रतिशत बढेको रिलायन्स स्पिनिङ मिल्समा आज भने बिक्री चाप बढेको छ । कम्पनीको मूल्य पहिलो एक घन्टामा ५.७ प्रतिशत घटेको छ ।

पहिलो एक घण्टामा धेरै कारोबार भएका कम्पनीमा रिलायन्स स्पिनिङ मिल्स, एनआरएन इन्फ्रास्ट्रक्चर, हिमालयन रिइन्स्योरेन्स, अपी पावर र एसवाई प्यानल छन् ।