सुदूरपश्चिम प्रदेश सभाबाट स्थानीय सेवा ऐन संशाेधनसहित पारित

News Summary

Generated by OK AI. Editorially reviewed.

सुदूरपश्चिम प्रदेश सभाले स्थानीय सेवा गठन तथा संशोधन (पहिलो संशोधन) विधेयक सर्वसम्मत पारित गरेको छ।
सरकारका तर्फबाट आन्तरिक मामिला तथा कानुनमन्त्री हिरा सार्कीले पेश गरेको विधेयक विधायन तथा प्रदेश मामिला समितिको प्रतिवेदनसहित पारित भएको हो।
सभामुख भीमबहादुर भण्डारीले पेश गरेको प्रदेश सभा सदस्यले लगाउने प्रतिक चिन्ह निर्धारण सम्बन्धी प्रस्ताव पनि सर्वसम्मत पारित भएको छ।

२७ चैत, धनगढी । सुदूरपश्चिम प्रदेश सभाबाट स्थानीय सेवा गठन तथा संशाेधन (पहिलाे संशाेधन)विद्येयक सर्वसम्मत पारित भएको छ ।

शुक्रबार बसेकाे प्रदेश सभाकाे बैठकले सरकारका तर्फबाट आन्तरिक मामिला तथा कानुनमन्त्री हिरा सार्कीले पेश गरेकाे प्रस्ताव सभाबाट छलफलपछि सर्वसम्मत पारित गरिएकाे हाे ।

विधायन तथा प्रदेश मामिला समितिमा दफावार छलफल सम्पन्न भएर आएको प्रतिवेदन हुबहु पारित गरिएको छ ।

यस्तै, सार्कीले सुदूरपश्चिम प्रदेश जनस्वास्थ्य सेवा ऐन, २०७६ लाई संशोधन गर्न बनेको विधेयक माथि सामान्य छलफल गरियोस् भन्ने प्रस्ताव पेश गरेका थिए ।

उक्त विद्येयकमाथि सांसदहरूले आ-आफ्ना धारणा राखेका छन् । सभामुख भीमबहादुर भण्डारीले पेश गरेकाे प्रदेश सभा सदस्यले लगाउने प्रतिक चिन्ह (लोगो) निर्धारण सम्बन्धी प्रस्ताव पनि सर्वसम्मत पारित भएको छ ।