२ भदौ, काठमाडौं । नेपाली कांग्रेसका सभापति गगन थापाले आज (मंगलबार) देखि १५औँ महाधिवेशन प्रक्रिया सुरु भएको बताएका छन् ।
१५ औं महाधिवेशनअन्तर्गत जिल्लाहरुमा तोकिएका निर्वाचन अधिकृतहरूका लागि आयोजित कार्यक्रममा उनले महाधिवेशन प्रक्रिया सुरु भएको बताएका हुन् ।
‘हामीसँग अब समयको सुबिधा छैन । हामी संविधान, पार्टी विधानमा बाँधिएका छौं,’ सभापति थापाले भने, ‘अदालतको फैसलामा पनि असोज १६ गतेबाट महाधिवेशन हुने भन्ने आधार बनाइएको छ । त्यसले पनि हामीहरू बाँधिएका छौं । थोरै समयमा काम गर्नुपर्नेछ ।’
यस पटक पार्टीको क्रियाशील सदस्यता डिजिटल भएकाले महाधिवेशन गर्न पहिलाको भन्दा सहज हुने उनको भनाइ थियो ।
‘प्रश्न नउठ्ने गरी अधिवेशन गर्नुपर्नेछ, आजबाट हाम्रो अधिवेशन प्रक्रिया औपचारिकरूपमा प्रारम्भ भयो,’ सभापति थापाले भने, ‘निर्वाचन समितिले जुन कार्यतालिका बनाएको छ, त्यही कार्यतालिका हामी सबैले फलो गर्ने हो ।’
केन्द्रीय कार्यसमितिले महाधिवेशनको तिथिमिति र ठाउँ तय गरिसकेको भन्दै उनले आगामी असोज १६ देखि १९ गतेसम्म काठमाडौंमा केन्द्रीय महाधिवेशन हुने बताए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Cozy Homes, Imadol")
.jpg "House for Sale at Imadol")
%20-%20Copy.jpg "House for Sale at Siddhipur")
.jpg "Bungalow House for Sale at Dholahiti")
.jpg "Bungalow House for Sale at Bhandari Marg")
प्रतिक्रिया 4