News Summary
Generated by OK AI. Editorially reviewed.- रसुवामा आएको बाढीका कारण ३ सय ८४ आन्तरिक तथा बाह्य पर्यटक सम्पर्कविहीन भएका छन् ।
- सम्पर्कविहीनमध्ये २ सय ९१ विदेशी र ९३ नेपाली पर्यटक रहेको नेपाल पर्यटन बोर्डले जनाएको हो ।
- बोर्डले ट्राभल एजेन्सी, गाइड, स्थानीय निकाय र सुरक्षा निकायसँग पुष्टि गरेर विवरण सार्वजनिक गरेको हो ।
१० भदौ, काठमाडौं । रसुवामा आएको बाढीका कारण विभिन्न क्षेत्रमा ३ सय ८४ आन्तरिक तथा वाह्य पर्यटक सम्पर्कविहिन भएका छन् ।
नेपाल पर्यटन बोर्डले ट्राभल एजेन्सीहरूबाट प्राप्त तथ्यांक उद्धृत गर्दै जनाए अनुसार झन्डै ४ सय पर्यटक सम्पर्कविहीन छन् ।
सम्पर्कविहीनमध्ये २ सय ९१ विदेशी र ९३ नेपाली पर्यटक छन् । ट्राभल एजेन्सी, गाइड, स्थानीय निकाय र सुरक्षा निकायसँग पुष्टि गरेपछि पर्यटन बोर्डल पर्यटक सम्पर्कविहीन भएको जनाएको हो ।
तीमध्ये सम्राट टुर्स एन्ड ट्राभल्सबाट ७१ जना (५९ भारतीय र १२ नेपाली) सम्पर्कविहीन भएका छन् । काठमाडौं होलिडेजबाट गएका १७ जना सम्पर्कविहीन छन् । जसमा १ विदेशी र १५ नेपाली छन् ।
त्यस्तै लिफ होलिडेजका ५५ जना (४६ भारतीय र ९ नेपाली) सम्पर्कविहीन छन् । कैलास जर्नीबाट ३१ जना बेपत्ता छन् । जसमा २६ विदेशी र ५ नेपाली छन् ।
यसैगरी एक्स्प्लोर भ्याकेसनबाट ७ नेपाली सम्पर्कविहीन रहेको बोर्डले जनाएको छ । ट्रेकर्स सोसाइटीबाट ९२ जना (७७ विदेशी र १५ नेपाली) सम्पर्कविहीन छन् ।
रिचा टुर्स एन्ड ट्राभल्सबाट १२ सम्पर्कविहीन भएको तथ्यांक सार्वजनिक भएको छ । जसमा ८ विदेशी र ४ नेपाली छन् । फिस्टेल टुर्स एन्ड ट्राभलबाट २७ सम्पर्कविहीन छन् । जसमा २० विदेशी र ७ नेपाली छन् ।
हिमालयन ग्लेसियरबाट ५२ सम्पर्कविहीन रहेकोमा ३७ विदेशी र १५ नेपाली छन् । अल्पाइन इको ट्रेकबाट २० सम्पर्कविहीन छन् । जसमा १६ विदेशी र ४ नेपाली छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Cozy Homes, Imadol")
.jpg "House for Sale at Imadol")
%20-%20Copy.jpg "House for Sale at Siddhipur")
.jpg "Bungalow House for Sale at Dholahiti")
.jpg "Bungalow House for Sale at Bhandari Marg")
प्रतिक्रिया 4