News Summary
Generated by OK AI. Editorially reviewed.- भारतले रसुवाको भोटेकोशी बाढीमा परेर अहिलेसम्म ३२० भारतीय नागरिक बेपत्ता भएको जनाएको छ ।
- भारतीय विदेश मन्त्रालयले ८४ भारतीय नागरिक सुरक्षित उद्धार भएको र १४९ जना चीनबाट सुरक्षित नेपाल पुगेको बताएको छ ।
- मन्त्रालयका अनुसार झण्डै ४०० भारतीय नागरिक चीनमा सुरक्षित छन् र उनीहरूलाई ल्याउने प्रयास जारी छ ।
१३ भदौ, काठमाडौं । भारतले रसुवाको भोटेकोशी आएको भीषण बाढीमा परेर अहिलेसम्म ३२० जना भारतीय नागरिक बेपत्ता भएका बताएको छ ।
भारतीय विदेश मन्त्रालयले शुक्रबार राति नेपालको बाढीमा अहिलेसम्म ३२० भारतीय बेपत्ता भएका बताएको हो ।
मन्त्रालयले अहिलेसम्म ८४ भारतीय नागरिकको सुरक्षित उद्धार भएको पनि जनाएको छ ।
जसमा तमिलनाडुका २१ जना रहेका छन् । ‘उनीहरू शुक्रबार भारत फर्किएका छन्,’ मन्त्रालयले भनेको छ, ‘६३ जना त्रिशूली–वन प्रोजेक्टमा काम गरिरहेका थिए । उनीहरूको सुरक्षित उद्धार भइसकेको छ ।’
विदेश मन्त्रालयले अन्य १४९ भारतीय नागरिक चीनबाट सुरक्षित नेपाल पुगेका पनि बताएको छ । मन्त्रालयका अनुसार झण्डै ४०० भारतीय नागरिक चीनमा सुरक्षित छन् ।
‘भारतीय दूतावास लगातार उनीहरूसँग सम्पर्कमा छ,’ मन्त्रालयले भनेको छ, ‘उनीहरूलाई त्यहाँबाट ल्याउने प्रयास जारी छ ।’
भारतीय विदेश मन्त्रालयको यो तथ्यांक शुक्रबार राति १० बजेसम्मको भएको बीबीसीले जनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4