News Summary
Generated by OK AI. Editorially reviewed.- सोलुखुम्बुको महाकुलुङ गाउँपालिका– २ र ४ मा पर्ने हुङ्गा खोलामा शुक्रबार बिहान पहिरोले खोला थुनेर करिब १०० मिटर लामो कृत्रिम ताल बनेको छ।
- गौरीशंकर हाइड्रोपावरबाट करिब १०० मिटर तल करिब ३५ मिटर अग्लो पहिरो खसेको र तल्लो क्षेत्रमा बाढीको जोखिम रहेकाले सतर्कता अपनाइएको प्रहरीले जनाएको छ।
- ड्याम जुनसुकै बेला फुट्न सक्ने जोखिम रहेकाले नदी किनारका स्थानीय र नजिकका दुई हाइड्रोपावरलाई सतर्क रहन प्रहरीले आग्रह गरेको छ।
२६ भदाै, विराटनगर । सोलुखुम्बुको महाकुलुङ गाउँपालिका– २ र ४ मा पर्ने हुङ्गा (हुङ्कु) खोला पहिराेका कारण थुनिएको छ । शुक्रबार बिहान गएको पहिरोका कारण खोला थुनिएको हो ।
गौरीशंकर हाइड्रोपावरको हेड अफिसबाट करिब १०० मिटर तल, वडा नम्बर – २ तर्फ पर्ने क्षेत्रमा करिब ३५ मिटर अग्लो पहिरो खसेर खोला थुनिएको हो । जसका कारण खोलामा करिब १०० मिटर लामो र १५ मिटर गहिरो कृत्रिम ताल बनेको सोलुखुम्बुका प्रहरी प्रमुख डीएसपी नविनराजा बुढाथोकीले जानकारी दिए ।
उनका अनुसार बिहानबाट बनेको ड्याममाथिबाट विस्तारै पानी बग्न थालेको छ । तल्लो क्षेत्रमा बाढीको जोखिम रहेकाले सतर्कता अपनाइएको उनले बताए ।
प्रहरीले नदी किनारमा बसोबास गर्ने स्थानीयबासी तथा नजिकै रहेका दुई वटा हाइड्रोपावर आयोजनालाई सतर्क रहन आग्रह गरेको छ ।
घटनास्थल इलाका प्रहरी कार्यालय बुङबाट करिब १० किलोमिटर दक्षिण-पूर्वमा पर्छ ।
पहिरोले खोला थुनिएपछि बनेको यो कृत्रिम ड्याम जुनसुकै बेला फुट्न सक्ने जोखिम भने टरिसकेको छैन ।
ड्याम फुटेमा हुङ्गा खोलाको पानी तल्लो तटीय क्षेत्र हुँदै सोताङ गाउँपालिका, थुलुङ दुधकोशी गाउँपालिका हुँदै खोटाङ र ओखलढुङ्गा जिल्लाको दुधकोशी नदीसम्म प्रभाव पार्न सक्ने बताइएको छ ।
प्रहरी नायव उपरीक्षक बुढाथोकीका अनुसार पहिरोको माथिबाट पानी बग्न थालेका कारण ठूलो जोखिम भने नरहेको बताउँछन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4