News Summary
Generated by OK AI. Editorially reviewed.- नेपाल हस्तकला महासंघ र नेपाल कुरियर सेवा संघबीच निर्यात प्रवर्द्धन, बजारीकरण र भन्सार सहजीकरणका लागि द्विपक्षीय समझदारी भएको छ ।
- समझदारीपत्रमा महासंघका अध्यक्ष रविन्द्र शाक्य र कुरियर सेवा संघका अध्यक्ष अनिल राजभण्डारीले हस्ताक्षर गरेका छन् ।
- दुवै संस्थाले निर्यात व्यवसायका चुनौती समाधान गर्न नेपाल सरकारसमक्ष संयुक्त पहल र पैरबी गर्ने सहमति गरेका छन् ।
६ असोज, काठमाडौं । निर्यातमूलक क्षेत्रको हस्तकला उद्यमी व्यवसायीको छाता संगठन नेपाल हस्तकला महासंघ र निर्यात क्षेत्रमा क्रियाशील अर्को संस्था नेपाल कुरियर सेवा संघबीच द्विपक्षीय समझदारी भएको छ ।
दुई संस्थाबीच आपसी सहयोग र सहकार्य गर्ने समझदारीपत्रमा हस्ताक्षर भएको छ । समझदारी अनुसार निर्यात प्रवर्द्धनका लागि नीतिगत तथा प्रक्रियागत सहजीकरण गर्न दुवै पक्षले संयुक्त रूपमा नेपाल सरकार समक्ष पहल र पैरबी गरिने भएको छ ।
त्यस्तै हस्तकलाको बजारीकरणमा सहयोग गर्ने, निकासीकर्तालाई सामान निकासीको अवस्थामा भन्सार सहज वातावरण र सहुलियत प्रदान गर्ने, निकासी व्यवसायको चुनौतीलाई दुवै पक्षको पहल कदमीमा सहजीकरण गर्ने र अवसरको अधिकतम सदुपयोग गर्न ऐक्यबद्ध भई अघि बढ्ने समझदारी समेत भएको छ ।
दुवै संस्थाबीचको सहकार्यलाई सेवाग्राहीको हितमा अझ केन्द्रित भई प्रभावकारी सहकार्य गर्दै जाने विषयमा समझदारी गर्न दुवै संस्था निरन्तर प्रतिबद्ध रहने एक अर्को संस्थाले गरेको कार्यक्रममा सहयोग र सहकार्य गर्ने लगायत प्रमुख विषय समेटिएका छन् ।
समझदारीपत्रमा हस्तकला महासंघका तर्पmबाट अध्यक्ष रविन्द्र शाक्य र कुरियर सेवा संघका तर्पmबाट अध्यक्ष अनिल राजभण्डारीले हस्ताक्षर गरेका छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4