काठमाडौँ । तीन साताअघि युट्युबमा सार्वजनिक भएको खेम सेन्चुरीको नयाँ गीत ‘बाहुन बाजे किन कसेको’ विवादमा मुछिएको छ । बाहुन सम्प्रदायलाई होच्याएको भन्दै उजुरी परेपछि नेपाल प्रहरीको साइबर ब्यूरोले अहिले गीतकार तथा संगीतकार सेन्चुरी र उजुरीकर्तालाई बोलाएर छलफल गरिरहेको छ ।
साइबर ब्यूरोका प्रवक्ता तथा सूचना अधिकारी दिलिपकुमार गिरीले मंगलबार दुवै पक्षलाई बोलाएर छलफल गरिएको र आज बुधबार पनि छलफल भैरहेको जानकारी दिए ।
हिन्दुवादी अभियन्ता सागर थापा लगायतले ब्युरोमा उजुरी दिएका छन् । मंगलबारको छलफल बिना निष्कर्ष टुङ्गिएपछि ब्यूरोले बुधबार पनि छलफलमा बोलाएको हो ।
‘आज यो विवाद टुंगो लाग्छ । किनभने, गीतमा सिधै सम्प्रदायलाई लक्षित गरि शब्दहरू प्रस्तुत छन्’ सूचना अधिकारी गिरीले भने ।
गीतमा रहेको ‘खान्छौ कि खान्नौ बङ्गुरको मासु, लौ खाऊ न त सुँगुरको मासु’ भन्ने पंक्तिमा हिन्दुवादी अभियन्ताको आपत्ति रहेको गिरीको भनाई छ । उजुरीकर्ताले गीत तत्काल हटाउन माग गरेका छन् ।
यो समाचार लेख्दासम्म सेन्चुरी र दीपिका बयम्बु मगरको स्वर रहेको गीतलाई ६५ लाख ७७ हजार पटक हेरिएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4