काठमाडौं । प्रमोद खरेल, प्रकाश सपुत र देबेन्द्र बब्लुले पूर्वी नेपालको तेह्रथुमको म्याङलुङबाट ‘सुरताल म्युजिकल टूर’ थालेका छन् । उनीहरूले एउटै स्टेजबाट हजारौं दर्शकमाझ आफ्ना सांगीतिक प्रस्तुति दिए ।
यी तीनैजना कलाकारले आ-आफ्ना ब्यान्डमार्फत प्रस्तुति दिँदा म्याङलुङको माहोल सांगीतिक बनेको थियो ।
प्रमोदले आफ्ना हिट गीतहरू ‘ओइ झुमा, ओइ झुमा’, प्रकाश सपूतले ‘गलबन्दी च्यातियो तिम्ले तानेर’ तथा देबेन्द्र बब्लुले ‘मुस्कान बनी ओठमा आइदेऊ’ लगायतका गीत प्रस्तुत गरे ।
प्रमोदले आफ्नो ब्यान्ड ‘प्रमोद एण्ड परम्परा’, प्रकाश सपूतले भाका ब्याण्ड र देबेन्द्र बब्लुले फिरन्ते ब्यान्डसहित विशेष लाइभमा प्रस्तुति दिएका थिए ।
आयोजक संस्थाका प्रशान्त सुनारका अनुसार मध्यरातसम्म चलेको कार्यक्रममा १० हजारभन्दा बढी दर्शक सहभागी थिए । ‘सुरताल म्युजिकल टुर २०८३’ नाम दिइएको यो सांगीतिक यात्रा तेह्रथुमबाटै सुरु भएको हो ।
सातै प्रदेशका १३ वटा शहरमा टूर आयोजना हुने जनाइएको छ । तेह्रथुमपछि १७ असोजमा संखुवासभाको खाँदबारी र असोज १९ गते धनकुटाको हिलेमा कन्सर्ट आयोजना हुनेछ । त्यसपछि मंसिर २ गते महेन्द्रनगर र मंसिर ५ गते धनगढीमा कार्यक्रम हुनेछ ।
त्यसैगरी नेपालगन्ज, सुर्खेत, तुलसीपुर, बुटवल, चितवन, पोखरा, धरानलगायतका शहरमा पनि कन्सर्ट आयोजना जनाइएको छ । सुरताल इभेन्ट एण्ड एम्युजमेन्ट प्रालिको आयोजनामा सुरु भएको यो सांगीतिक यात्रा स्थानीय आयोजक तथा विभिन्न संघ-संस्थाको सहकार्यमा सञ्चालन भइरहेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4