News Summary
Generated by OK AI. Editorially reviewed.- ऐतिहासिक लिगलिगे दौडका कारण पालुङटार नगरपालिकाले आज एक दिन सार्वजनिक बिदा दिएको छ ।
- नगरपालिकाको असोज २० को कार्यपालिका बैठकले दौड हुने दिन सार्वजनिक बिदा दिने निर्णय गरेको थियो ।
- नगरपालिकाले सबै संघसंस्था, खेलाडी र सरोकारवालालाई दौडमा सक्रिय सहभागी हुन आह्वान गरेको छ ।
२९ असोज, गोरखा । गोरखाको पालुङटार नगरपालिकाले आज सार्वजनिक बिदा दिएको छ । ऐतिहासिक लिगलिगे दौड हुने भएकाले आज एक दिन सार्वजनिक बिदा दिइएको हो ।
असोज २० को कार्यपालिका बैठकले दौड हुने दिन सार्वजनिक बिदा दिने निर्णय गरेको थियो ।
असोज २९ गते नगरपालिका क्षेत्रभित्रका सबै वडा कार्यालय, शैक्षिक संस्था लगायतमा बिदा हुने नगरपालिकाले जनाएको छ ।
लिगलिगे दौड ऐतिहासिक, सांस्कृतिक तथा पर्यटकीय पहिचानसँग पनि जोडिएको छ । नगरपालिकाले सबै संघसंस्था, खेलाडी तथा सरोकारवालालाई दौडमा सक्रिय रुपमा सहभागी हुन पनि आह्वान गरेको छ ।
के हो लिगलिगे दौड ?
गोरखाको लिगलिगकोटमा प्रचलित लिगलिगे दौड राजा छनोट गर्ने ऐतिहासिक परम्परासँग जोडिएको छ । ऐतिहासिक जनश्रुतिअनुसार, दौडमा सबैभन्दा पहिले निर्धारित गन्तव्यमा पुग्ने व्यक्ति राजा बन्ने व्यवस्था थियो ।
यही परम्परासँग जोडिएर द्रव्य शाहले वि.सं. १६१६ (सन् १५५९) मा लिगलिगकोटमा आफ्नो सत्ता स्थापित गरेको इतिहास उल्लेख गरिन्छ । पछि उनले गोरखा राज्यको स्थापना गरे ।
लिगलिगे दौड अहिले ऐतिहासिक परम्पराको संरक्षण, स्थानीय पहिचानको प्रवर्द्धन र खेल पर्यटन विकास गर्ने उद्देश्यले आयोजना गरिँदै आएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4