News Summary
Generated by OK AI. Editorially reviewed.- बंगालको खाडीमा विकसित चक्रवात ‘अर्नब’ का कारण काठमाडौं उपत्यका सहित देशका विभिन्न भू-भागमा गए रातिदेखि निरन्तर वर्षा भइरहेको छ ।
- निरन्तर वर्षाले काठमाडौं उपत्यकाको जनजीवन प्रभावित बनेको छ र कार्यालय जाने तथा दैनिक ज्यालादारी गर्नेहरू समस्यामा परेका छन् ।
- मौसमविद्हरूले आज दिनभर हल्कादेखि मध्यम वर्षा र केही ठाउँमा भारी वर्षा हुन सक्ने भन्दै सजग रहन आग्रह गरेका छन् ।
१३ कात्तिक, काठमाडौं । बंगालको खाडीमा विकसित चक्रवात ‘अर्नब’ को असरले काठमाडौं उपत्यका लगायत देशका विभिन्न भू-भागमा वर्षा भइरहेको छ ।
गए रातिदेखि निरन्तर वर्षा भइरहेका कारण काठमाडौं उपत्यकाको जनजीवन प्रभावित बनेको छ ।
सरकारी तथा निजी अफिसमा काम गर्ने कर्मचारीदेखि लिएर दैनिक ज्यालादारी गर्ने मानिसहरू वर्षाले प्रभावित बनेका छन् ।
विभिन्न कामले घर बाहिर निस्किएकाहरू रेनकोट, छाता ओडेर आ-आफ्नो गन्तव्यतर्फ गइरहेको देख्न सकिन्छ ।
मौसमविद्हरूका अनुसार चक्रवातको असरले आज दिनभरि हल्कादेखि मध्यम वर्षा हुने र केही ठाउँमा भारी वर्षा पनि हुन सक्ने छ ।
नेपाल मौसम विज्ञान विभागका प्रवक्ता विभूति पोखरेलले ‘अर्नब’ चक्रवात कमजोर भइसके पनि सोको प्रभावले नेपालमा वर्षा, हिमपात तथा हावाहुरीको सम्भावना रहेकाले सजग हुनुपर्ने बताइन् ।
त्रिभुवन विश्वविद्यालयको जल तथा मौसम केन्द्रीय विभागका सहप्राध्यापक डा. विनोद पोखरेलका अनुसार आज अपराह्नदेखि रातिसम्म कोशी र बागमतीका धेरै ठाउँमा भारी वर्षाको सम्भावना छ ।
यसको असर शनिबारदेखि क्रमश: कमजोर बन्दै जाने पूर्वानुमान छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4