१५ कात्तिक, स्याङ्जा । स्याङ्जाको वालिङमा ट्याक्टर दुर्घटना हुँदा एक जनाको मृत्यु भएको छ । दुर्घटनामा चार जना घाइते भएका छन् ।
हुवासबाट वालिङतर्फ आउँदै गरेको ट्याक्टर आइतबार साँझ वालिङ नगरपालिका–९ गाइस्वारामा पल्टिएको हो ।
जिल्ला प्रहरी कार्यालय स्याङ्जाका सूचना अधिकारी प्रहरी नायव उपरीक्षक (डीएसपी) रमेशदत्त अवस्थीका अनुसार ग १ त ५७६९ नम्बरको ट्याक्टर साँझ करिब ६:५० बजे सडकको बायाँ किनारमा पल्टिएको थियो ।
दुर्घटनामा ट्याक्टरमा सवार वालिङ नगरपालिका–१० का ६१ वर्षीय नन्दलाल बुढामगरको मृत्यु भएको छ । दुर्घटनामा घाइते भएका उनलाई उपचारका लागि प्राथमिक स्वास्थ्य केन्द्र वालिङ पुर्याइएको थियो । जहाँ साँझ ७:३५ बजे चिकित्सकले मृत घोषणा गरेका थिए ।
दुर्घटनामा ट्याक्टर चालक दाङको शान्तिनगर गाउँपालिका–१ का ३७ वर्षीय धनवीर पुनमगर घाइते भएका छन् । उनको टाउकोमा चोट लागेको छ र अवस्था मध्यम रहेको प्रहरीले जनाएको छ ।
त्यस्तै, पर्वत घरभई हाल वालिङ–१० बस्ने ४३ वर्षीय प्रेम रानामगर गम्भीर घाइते भएका छन् । उनको टाउको र शरीरको भित्री भागमा चोट लागेको छ । उनी बोल्न नसक्ने अवस्थामा रहेको प्रहरीले जनाएको छ ।
वालिङ–१० कै २० वर्षीय सुलभ परियारको बायाँ हात, खुट्टा र कम्मरमा चोट लागेको छ । सोही ठाउँका ४६ वर्षीय झकबहादुर थापाको दाहिने हात र ढाडमा चोट लागेको छ । दुवैको अवस्था मध्यम रहेको छ ।
घाइतेहरूको प्राथमिक स्वास्थ्य केन्द्र वालिङमा उपचार भइरहेको छ । वडा प्रहरी कार्यालय वालिङबाट प्रहरी टोली घटनास्थल पुगेर दुर्घटनाबारे थप अनुसन्धान गरिरहेको जनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Lasuntar")
.jpg "Bungalow House for Sale at Budhanilkantha")
.jpeg "House for Sale at Lubhu")
.jpg "Residential Land for Sale at Balkot")
%20-%20Copy.jpg "House for Sale at Bhaisepati")
प्रतिक्रिया 4