News Summary
Generated by OK AI. Editorially reviewed.- सरकारले वैकल्पिक विकास वित्त कोषको सीईओ पदका लागि ६ जनालाई सर्टलिस्ट गर्दै ५ र ६ मंसिरमा प्रस्तुति र अन्तर्वार्तामा बोलाएको छ ।
- अर्थ मन्त्रालयका अनुसार एक दर्जन आवेदनमध्ये तोकिए अनुसार कागजात नपुगेका ७ जनाको नाम अस्वीकृत भएको छ ।
- सर्टलिस्टमा अपार न्यौपाने, आशुतोष शर्मा, चन्दनकुमार घोष, रामकृष्ण खतिवडा, सुभाष थापा र स्मृति शर्मा परेका छन् ।
१७ कात्तिक, काठमाडौं । सरकारले वैकल्पिक विकास वित्त कोषको प्रमुख कार्यकारी अधिकृत (सीईओ) पदका लागि ६ जनाको नाम सर्टलिस्टमा राख्दै कार्ययोजना प्रस्तुति र अन्तर्वार्तामा बोलाएको छ ।
अर्थ मन्त्रालयका अनुसार कोषको सीईओ पदमा एक दर्जन आवेदन परेको थियो । जसमध्ये ७ जनाको नाम अस्वीकृत भएको छ । तोकिए अनुसार कागजात प्राप्त नभएका आवेदकको नाम अस्वीकृत भएको मन्त्रालयले जनाएको छ ।
नाम स्वीकृत भएर सर्टलिस्टमा परेकामा अपार न्यौपाने, आशुतोष शर्मा, चन्दनकुमार घोष, रामकृष्ण खतिवडा, सुभाष थापा र स्मृति शर्मा छन् ।
उनीहरूबाट व्यावसायिक रणनीति तथा कार्ययोजनाको प्रस्तुति र त्यसउपर रणनीतिक छलफल गरिने छ । साथै, उनीहरूको अन्तर्वार्ता समेत हुनेछ । यसका लागि ५ र ६ मंसिर तय गरिएको छ । यस्तो छलफल र अन्तर्वार्ता लोकसेवा आयोगको कार्यालयमा हुने छ ।
आवेदन दिएकामध्ये दिप्त साह, ऋतु प्रधान, सुमनकुमार वैद्य, प्रबुद्ध दाहाल, डा. होमनाथ गैरे, दिनेश दुलाल र दीलिपराज पौडेलको नाम भने अस्वीकृत भएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Lasuntar")
.jpg "Bungalow House for Sale at Budhanilkantha")
.jpeg "House for Sale at Lubhu")
.jpg "Residential Land for Sale at Balkot")
%20-%20Copy.jpg "House for Sale at Bhaisepati")
प्रतिक्रिया 4