News Summary
Generated by OK AI. Editorially reviewed.- मंगलबार नेप्से ६.६२ अंक बढेर २६६४ मा पुगेको छ, अघिल्लो दिनको ३२.६५ अंकको गिरावटपछि बजार हरियो बनेको हो।
- आज कारोबार रकम ७ अर्ब १८ करोडबाट घटेर ५ अर्ब ६५ करोडमा झरेको छ, १४३ कम्पनीको मूल्य बढ्दा १२२ को घटेको छ।
- होटल तथा पर्यटन समूह १.०७ प्रतिशत बढ्यो, शिखर पावर ५.९४ प्रतिशतले उकालो लाग्यो र बेनी हाइड्रोको मूल्य ५.०४ प्रतिशत घट्यो।
१७ कात्तिक, काठमाडौं । अघिल्लो दिन ३२.६५ अंक घटेको सेयर बजार मंगलबार ६.६२ अंक बढेको छ । कारोबारका क्रममा धेरैजसो समय रातो अंकमा रहेको बजार अन्ततः बन्द हुँदा हरियो हुन पुग्यो ।
आजको कारोबारपछि बजार परिसूचक नेप्से २६६४ अंकमा कायम भएको छ । कारोबार रकम घटेको छ । अघिल्लो दिन ७ अर्ब १८ करोडको कारोबार भएकोमा आज ५ अर्ब ६५ करोडको भयो ।
आज १४३ कम्पनीको मूल्य बढ्यो भने १२२ को घट्यो । त्यस्तै १४ कम्पनीको मूल्य स्थिर रह्यो ।
आज होटल तथा पर्यटन समूह सबैभन्दा धेरै १.०७ प्रतिशत बढ्यो । अक्टोबर महिनामा नेपाल भित्रिने पर्यटक संख्या बढेसँगै यो क्षेत्रमा आज सकारात्मक प्रभाव देखियो ।
त्यस्तै बैंकिङ ०.५२, विकास बैंक ०.०६, जलविद्युत् ०.३१, जीवन बीमा ०.०९, माइक्रोफाइनान्स ०.१३, निर्जीवन बीमा ०.१० तथा व्यापार ०.१५ प्रतिशत बढे ।
फाइनान्स ०.०१, लगानी ०.०४, उत्पादन तथा प्रशोधन ०.०६ र अन्य ०.०२ प्रतिशत घटे ।
शिखर पावरको मूल्य सबैभन्दा धेरै ५.९४ प्रतिशत बढ्यो । रिभर फल्स पावरको ५.८०, त्रिशूली जलविद्युतको ३.७७, एनआईसी एसिया बैंकको ३.२३, सानीगढ हाइड्रोको ३.०७ प्रतिशत मूल्य बढ्यो ।
अघिल्लो दिनसम्म १५ प्रतिशत मूल्य बढ्दै आएको हालै सूचीकृत बेनी हाइड्रोको मूल्य आज सबैभन्दा धेरै ५.०४ प्रतिशत घट्यो । चिरख्वा हाइड्रोपावरको ४३.९४, युनिभर्सल पावरको २.३३ प्रतिशत मूल्य घट्यो ।
आज धेरै कारोबार भएका कम्पनीमा ग्लोबल आईएमई बैंक, बुटवल पावर, कुमारी बैंक, सोल्टी होटल, सानिमा मिडिल तमोर, लक्ष्मी सनराइज बैंक, घलेम्दी हाइड्रोपावर क्रमशः अगाडि रहे ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Lasuntar")
.jpg "Bungalow House for Sale at Budhanilkantha")
.jpeg "House for Sale at Lubhu")
.jpg "Residential Land for Sale at Balkot")
%20-%20Copy.jpg "House for Sale at Bhaisepati")
प्रतिक्रिया 4