+
+
Shares

महोत्तरीमा एक महिलाको शव फेला, अनुसन्धानमा कुकुर परिचालन

अनलाइनखबर अनलाइनखबर
२०८३ मंसिर ४ गते १३:४८

News Summary

Generated by OK AI. Editorially reviewed.
  • महोत्तरीको गौशाला नगरपालिका–१ सानो कुशमाडीको उखुबारीमा ६५ वर्षीया विणामाया पुलामीको शव फेला परेको छ।
  • घाँस काट्न बिहिबार गएकी विणामाया शुक्रबार बिहान मृत फेला परेकी हुन्।
  • प्रहरीले शवको प्रकृति हेर्दा हत्या भएको हुनसक्ने प्रारम्भिक अनुमान गर्दै अनुसन्धान थालेको छ।

४ मंसिर, काठमाडौं । महोत्तरीमा एक महिलाको शव फेला परेको छ ।

शुक्रबार बिहान गौशाला नगरपालिका–१ सानो कुशमाडीस्थित उखुबारीमा स्थानीय ६५ वर्षीया विणामाया पुलामीको शव फेला परेको इलाका प्रहरी कार्यालय गौशालाका प्रहरी निरीक्षक मधुसुदन विश्वकर्माले जानकारी दिए ।

उनका अनुसार, बिहिबार घाँस काट्न निस्केकी विणामाया शुक्रबार बिहान मृत फेला परेका हुन् । शवको प्रकृति हेर्दा उनको हत्या भएको हुनसक्ने प्रहरीको प्रारम्भिक अनुमान छ ।

‘गम्छाले घाँटी कसेको जस्तो देखिन्छ । सुक्ष्म अनुसन्धान थालेका छौं,’ प्रहरी निरीक्षक विश्वकर्माले भने ।

उनका अनुसार, घटनाको अनुसन्धानका लागि तालिम प्राप्त कुकुर घटनास्थलमा परिचालन गरिएको छ ।

‘प्रहरीको तालिम प्राप्त कुकुर पनि घटनास्थलमा परिचालन गरिएको छ,’ उनले भने ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?