जोखिममै उड्छन् निगमका जहाज

१ भदौं, काठमाडौं । मुलुकको राष्ट्रिय ध्वजावाहक नेपाल वायुसेवा निगमको जहाज विभिन्न समस्याका बाबजुद जोखिम मोलेरै भए पनि उडिरहेको छ ।

काठमाडौंबाट विभिन्न गन्तव्यमा जाने हवाई यात्रुको चाप बढेपछि जहाज अभावका कारण नियमित उडानमा रहेका विमान आकाशमा उडेका बेला गडबडी देखिए पनि जोखिम मोलेरै उडाउन निगम बाध्य भएको हो । आजको राजधानी दैनिकमा समाचार छ ।

सोमबार बिहान ८ बजे काठमाडौंबाट दिल्लीका लागि उडेको निगमको एयरबस ९ एन एकेएक्स कलसाइनको विमान आकाशमा उडिरहेका बेला एक्कासी कार्गो सामान राख्ने कम्पार्टमेन्टमा धूवाँ आएको ककपिटमा रहेका चालकले देखेपछि इटालियन चालक ओलिभर ए मेजोलिनी र सहचालक सञ्जय पौडेलले तत्काल विमानभित्रकै अग्नि नियन्त्रण उपकरणको सहायताले आगो निभाए ।

काठमाडौंबाट प्राधिवधिक समस्याका बाबजुद पनि दिल्ली पुगेको सोही विमान लाई निमगले विहान १० बजे दिल्लीबाट तत्काल काठमाडौंका लागि उडान भरेको थियो ।