तौल कम गर्न भारत पुगेकी इमानको लागि अबको एक महिना चुनौतीपूर्ण

आफ्नो बजनका कारण एकाएक चर्चामा आएकी इजिप्टेली नागरिक ३७ वर्षीया इमान ऐहेमदका लागि अबको एक महिना चुनौतीपूर्ण रहने भएको छ ।

विश्वकै सबैभन्दा बढी तौल भएकी महिलाको उपाधी पाएकी इमान बेरियाटिक शल्यकि्रया लागि भारतपुगेसँगै उनमा चुनौती थपिएको हो । उनी बेरियाटिक शल्यकि्रयामार्फत आफ्नो तौल कम गर्नकै लागि गत शनिवार इजिप्टबाट भारतको मुम्बई आइपुगेकी छिन् ।

चिकित्सकहरुका अनुसार अबको २५ दिनमा ५० किलो बजन कम गराउने उद्देश्यका साथ उनलाई आजबाट झोलिलो पदार्थमात्र सेवन गर्न दिइनेछ । उनले चाहेको बेरियाटिक शल्यकि्रयाका लागि पनि उनले दिनमा दुई किलो बजन घटाउन अनिवार्य छ ।

उनको उपचारमा संलग्न चिकित्सक डा. कार्लिन रिमिडोसका अनुसार उनलाई यसअघि सम्म चिकित्सकहरुले चिकन, मटन तथा रोटीमा राखेका थिए । जुन उनी अलेक्जेन्डि्रया हुदाँ समेत खाने गर्थिन् । उनको शरीरलाई बढी तनाव नहोस् भन्नका लागि पनि विगतको दुई दिन उनलाई दिनमा एक पटक यी खानेकुराको सेवन गर्न दिइएको सेफी हस्पिटलकी न्युटि्रसनिष्ट तथा गु्रप मेनेजर डा. रिमिडोसले बताइन् ।

उनका अनुसार आजबाट भने इमानको खानाबाट ठोश पदार्थ पूर्ण रुपमा हटाइनेछ र उनलाई अबकोे करिब २५ दिन झोलिलो पदार्थ मात्र सेवन गर्न दिइनेछ । उनलाई प्रोटिन, फाइबर तथा डेरी प्रोडक्सयुक्त खानेकुरा दुई घण्टाको फरकमा दिनमा छदेखि सात पटकसम्म सेवन गर्न दिइनेछ ।

त्यसले उनको शरीरका प्रोटिनको कमी तथा क्याल्सियमको कमीलाई सन्तुलनमा राखी पाचन प्रकृयालाई मजबुत बनाउन मद्दत गर्छ ।

यसबाहेक इमानलाई केही समयको लागि मसाज सहितको फिजियाथेरापीमा समेत राखिने भएको छ ।

सबै कुरा वातानुकुल भएमा अबको २५ दिनमा उनको झण्डै ५० किलो बजन कम हुनेछ । इमानको तौल हाल ५०० केजी रहेको छ । उनको माटो शरीरकै कारण इमान विगत दुई दशकदेखि ओछ्यानमै रहँदै आएकी थिइन् । मोटोपनाकै कारण उनको शरीरका केही अंगहरुले काम गर्न छोडिसकेका थिए । अब फिजियोथेरापी सुरु भएसँगै ती अंगहरुमा पुनः रक्तसञ्चार प्रवाह भई ती अंगहरुलाई चलायमान बनाइने चिकित्सकहरुको भनाई छ ।

उनको उपचारमा संलग्न प्रमुख बेरियाटिक सर्जन डा. मुफज्जल लक्डावालाका अनुसार बेरियाटिक शल्यकि्रयाका लागि पनि इमानको तौल घट्न अत्यन्त जरुरी छ । डा. लक्डावाला तिनै शल्यचिकित्सक हुन् जसले इमानलाई मुम्बई आउन प्रेरणा दिएका थिए ।

यसबाहेक उनको किड्नी, मुटु तथा तथा कलेजोलाई समेत निगरानीमा राखिनेछ ।

त्यसको लागि सेफी हस्पिटलले डा. लक्डावालाको संयोजकत्वमा विशेषज्ञ चिकित्सक सहितको एउटा विशेष टोली नै गठन गरिसकेको छ । जसमा इन्ड्रोक्राइनोलोजिस्ट, कार्डियोलोजिस्ट, फिजिसियन, पोषणविद्, एनेस्थेसियोलोजिस्ट, न्युरोलोजिस्ट तथा नेफ्रोलोजिस्ट रहेका छन्।

ऋस्पतालले उनको लागि विशेष किसिमको शैश्याको समेत व्यवस्था गरेको छ, जुन ५ दिनभित्रमा आउदैछ । यो शैल्या फोल्ड गर्न मिल्ने किसिमको हुनेछ ।

‘अहिलेको शैश्या हल्लाउन नमिल्ने किसिमको छ । तर नयाँ आउने शैल्या चलाउन मल्नेका साथै मेचको रुपमा फोल्ड गर्न समेत मिल्नेछ । यसले इमानको टाउकोलाई उठाउन समेत मद्दत गर्नेछ’, डा. लक्डावालाले मिड डे डट कमसित भने ।

एजेन्सीको सहयोगमा