१३ जेठ, विराटनगर । स्थानीय तहको संख्या बढाउने निर्णय कार्यान्वयन नगर्न सर्वोच्च अदालतले दिएको आन्तरिम आदेशविरुद्ध माओवादी केन्द्र सडकमा उत्रिएको छ ।
माओवादी केन्द्र विराटनगरले शनिबार सर्वोच्चको आदेशविरुद्ध विराटनगरमा प्रर्दशन गरेको हो ।
स्थानीय निलसदनवाट निस्किएको र्यालीमा मुख्य बजारको परिक्रमा गरी वि प्लटमा पुगेर कोण सभामा परिणत भएको थियो । र्यालीमा सहभागीहरुले ‘विराटनगरलाई महानगरपालिका कार्यम गर, अदालती आदेश खारेज गर, कार्यपालिका माथिको हस्तक्षेप वन्द गर’ जस्ता नारा लगाएका थिए ।
कोण सभामा माओवादी केन्द्रका नेता हेम कार्की, मेयर एव उपमेयरका उम्मेदवार भोगेन्द्र यादव र नमिता न्यौपाने लगायतले विराटनगरको विकास नचाहनेहरुले विराटनगरलाई महानगरपालिका नवनाउन षडयन्त्र गरेको आरोप लगाए ।
सरकारले हालै मात्र विराटनगर र वीरगञ्जलाई महानगरमा स्तरोन्नती गर्नुका साथै २२ स्थानीय तह थप्ने निर्णय गरेको थियो । तर, र्वोच्च अदालतले शुक्रबार स्थानीय तहको संख्या बढाउने निर्णय कार्यान्वयन नगर्न अन्तरिम आदेश दिएको छ ।
प्रतिक्रिया 4