यो हुनसक्छ कि राष्ट्रपति डोनाल्ड ट्रम्पका लागि यो सञ्चारको साधन हुनसक्छ । तर ट्वीटरको इतिहासमा पूर्व राष्ट्रपति बाराक ओबामाको एउटा ट्वीट सबैभन्दा धेरै मन पराइएको हो ।
ओबामाले नेल्सन मण्डेलाको तीन बक्तव्यको शेयर गरे र साथमा एउटा फोटो अपडेट गरे । जसमा एउटा डे-केयर सेन्टरको झ्यालबाट हेरिरहेका बच्चालाई हेरेर मुस्कुराइरहेका थिए ।
ती बच्चाहरु अलग अलग परिवारका थिए र उनीहरुलाई हेरेर ओवामा निक्कै खुसी देखिएका थिए ।
ओबामाको त्यस ट्वीटमा २८ लाखभन्दा बढीले लाइक गरेका छन् जुन उनले १३ अगष्टमा भर्जिनियामा भएको हमलापछि यो ट्वीट गरेका थिए ।
यस ट्वीटले मे मा म्यान्चेस्टर आतंकबादी हमलालाई निन्दा गर्ने एरिआना ग्राण्डेको ट्वीट कीर्तिमानलाई पछि छाडेको छ ।
ती ट्वीटमा ओबामाले मण्डेलाको आत्मकथा ‘द लङ टू फि्रडम’को एक अनुच्छेद पोष्ट गरे ।
२०११ को हो तस्वीर
ओबामाले ट्वीटमा लेखे, ‘कोहि पनि एक अर्कालाई छालाको रंग वा उसका परिवार वा उसको धर्मलाई निन्दा गरेर जन्म दिएको हुँदैन ।’
‘मानिसलाई धृणा गर्न सिकाउनुपर्छ, र यदि उसले धृणा सिक्न सक्छ भने उसलाई माया गर्न पनि सिकाउन सकिन्छ । मानवीय हृदयमा माया आफैं आउँछ ।’
यो तस्वीर २०११ को हो जव ओवामा मेरिल्याण्डको बेथेस्डास्थित डे-केयर सेन्टर पुगेका थिए । यो तस्वीर त्यसबेला हृवाइटहाउसका आधिकारिक फोटोग्राफर रहेका शौजाले लिएका थिए ।
ट्रम्प राष्ट्रपति बनेपछि शौजाले लगातार विषयगत तस्वीरहरु इन्स्टाग्राममा शेयर गरिरहेका छन् । यसमा धेरैजसो तस्वीरमा ट्रम्पको तुलनामा ओबामालाई असल देखाउने प्रयास गरिएको छ ।