१५ कात्तिक, काठमाडौं । कृषि विकास मन्त्रालयले भारतको सरकारी कम्पनी ब्रह्मपुत्र भ्याली फर्टिलाइजर कम्पनी लिमिटेडबाट विराटनगरमा प्राप्त युरिया मलमा तौल कम भएको सम्बन्धमा छानबिन गर्न मंगलबार समिति गठन गरेको छ ।
विभिन्न सञ्चारमाध्यममा मलको तौल कम भएको समाचार आएपछि मन्त्रालयद्वारा पूर्वाञ्चल क्षेत्रीय कृषि निर्देशनालयका निर्देशक हस्तबहादुर विष्टको संयोजकत्वमा कृषि सामाग्री व्यवस्थापन शाखा प्रमुख ईश्वरीप्रसाद पाण्डे र कृषि सामग्री कम्पनी लिमिटेडका अधिकृत प्रतिनिधि सदस्य रहने गरी छानबिन समिति गठन गरिएको हो ।
उक्त समितिले पाँच दिनभित्रमा स्थलगत भ्रमण गरी देखिएको यथार्थका आधारमा प्रतिवेदन सरकारलाई बुझाउने मन्त्रालयका सहप्रवक्ता शंकर सापकोटाले जानकारी दिए।
मुलुकमा देखिएको रासायनिक मलको अभावलाई न्यूनीकरण गर्न मन्त्रालयका सम्बन्धित प्रतिनिधिले भारतीय दूतावासमा आज छलफल गर्ने बताइएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया 4