- कोठामा परेको पानी हेर्दै विशाल । तस्वीरः श्रीधर पौडेल
श्रीधर पौडेल
१५ भदौ, काठमाडौं । विशाल पन्त साथीहरुसँग बसेर पढिरहेका थिए । आइतबार अपराहृन दर्के पानी परेपछि उनी दौडिएर कोठा आए ।
बुद्धनगरस्थित सडक नजिकैको घरको भूइँतले कोठामा उनी आइनपुग्दै पानी पसिसकेको थियो । उनले हतार-हतार गर्दै कोठा खोल्दा पानीले उनको लो बेड डुवाइएको थियो ।
‘कोठामा पासपोर्ट र सर्टिफिकेटहरु थियो’ उनले अनलाइनखबरसँग भने । गोरखाका पन्त स्नातकोत्तरका विद्यार्थी हुन् ।
काठमाडौंमा सडक विस्तारका क्रममा ढल व्यवस्थापन नहुँदा यस्तो समस्या धेरैलाई पर्ने गरेको छ । पार्न पर्दासाथ बुद्धनगर श्रममार्गमा सानोतिनो खहरे नै आउँछ ।
गत अर्थिक वर्षको अन्तिममितर कालोपत्र गरेको सडक ढलका लागि भन्दै भत्काइएको छ । जसका कारण बानेश्वर चोकदेखिको पानी एकढोलो भएर आउँदा श्रममार्गमा खोला नै बन्छ ।