६ मंसिर काठमाडौं । यो साता नेपाल स्टक एक्सचेन्जमा १ सय ६७ कम्पनी २५ लाख ४९ हजार कित्ता सेयर एक अर्ब १३ करोड १ लाख रुपैयाँमा किनबेच भएका छन् ।

यो गत साताको भन्दा ४.४ प्रतिशत कम हो । गत साता १ सय ६७ कम्पनीका २९ लाख ३७ हजार कित्ता सेयर एक अर्ब १८ करोड ३० लाख ८१ हजार रुपैयाँमा किनबेच भएका थिए ।

साताको नेप्से परिसूचक पहिलो दिनको तुलनामा ३.६६ अंकले घटेर अन्तिम दिन ८६२.५ अंकमा पुगेको छ ।

साताको पहिलो, दोस्रो र तेस्रो दिन लगातार घटेको नेप्से अन्तिम दुई दिनमा १८ अंकले सुधार आएको छ ।

यो साता कारोबार रकमका आधारमा चिलिमे हाइड्रपावर अग्र स्थानमा रहेको छ । चिलिमेको १० करोड ५२ लाख ८० हजार रुपैयाँ कारोबार भयो । त्यसैगरी कारोबार भएको सेयर संख्या (दुई लाख १६ हजार कित्ता) को आधारमा नेसनल हाइड्रोपावर कम्पनी अग्रस्थानमा छ ।

यो साता नेपाल स्टक एक्सचेन्जको कारोबार कक्ष नियमित कारोबारका लागि ५ दिन खुला रहृयो । यस साता पनि ऋणपत्रतर्फ संस्थागत तथा सरकारी ऋणपत्रहरुको कुनै पनि कारोबार भएन । साताभरमा कालिञ्चोक विकास बैंकको १० लाख कित्ता साधारणसेयर सूचिकत भएको छ ।

करोबार रकमका अाधारमा सातामा उत्कृष्ट पाँच कम्पनीहरू