राष्ट्र शोकमा डुबेको बेला नेपथ्यले आफ्ना पूर्व निर्धारित कार्यक्रमलाई भूकम्प पीडितको राहत संकलन तथा त्यसबारे जनचेतना अभियानमा समर्पित गर्ने भएको छ ।
बैशाख २२ गते (मे ५) टोकियो र जेठ ८ गते (मे २२) दुबईमा हुने कार्यक्रम अब आयोजनागत र आर्थिक दुवै हिसाबले महाभूकम्पको राष्ट्रिय सन्तापमै समर्पित हुनेछन् ।
यस कोषका निम्ति नेपथ्यले पाँच लाख रुपैयाँ आफ्नो तर्फबाट सुरुमै छुट्याउने र जापान तथा दुबईको कार्यक्रमबाट हुने संकलनसमेत जोडेर प्रधानमन्त्री राहत कोषमा जम्मा गर्ने निर्णय लिएको छ ।
नेपथ्यले शुभचिन्तकहरुलाई सहयोगको हात बढाउन आव्हान गरेको छ । सहयोग गर्नेहरूको जानकारी सामाजिक सञ्जालमार्फत सार्वजनिक गर्दै जाने नेपथ्यले जनाएको छ ।