२० वैशाख, काठमाडौं । क्रिस्टल प्यालेसबिरुद्ध १-० को सहज जित निकाल्दै चेल्सीले चौथोपटक इङलिस प्रिमियर लिग जितेको छ । आइतबार घरेलु मैदान स्टामफोर्ड ब्रिजमा इडेन हार्डाजले ४५ औं मिनेटमा गोल गर्दै चेल्सिलाई लिगको उपाधि जिताए ।
त्यसअघि उनी ४४ औं मिनेटमा पेनाल्टिमा गोल गर्न चुकेका थिए ।
सन् १९५४-५५ को सिजनमा पहिलोपटक उपाधि जितेको चेल्सीले पछिल्लो पटक २००९-१० को सिजनमा पनि उपाधि जितेको थियो ।
सन् २००४-००७ सम्म चेल्सीको मुख्य प्रशिक्षकको पद सम्हालेका जोसे माउरिन्होको प्रशिक्षणमा यो पहिलो प्रिमियर लिग उपाधी हो । माउरिन्हो सन् २०१३ मा इङलिस क्लब फर्केका थिए ।
३ खेल अघि नै चेल्सीले उपाधी जितेको छ । उसको ३५ खेलबाट ८३ अंक भएको छ । दोस्रो स्थानमा रहेको म्यान्चेस्टर सिटीको ३४ खेलबाट ६७ अंक छ ।
तस्वीर : एजेन्सी
