१२ साउन, काठमाडौं । मोर्डन ईण्डियन स्कुलमा आगजनी गर्ने नेत्रविक्रम चन्द विप्लव नेतृत्वको नेकपा माओवादीका कार्यकर्ता भएको खुलेको छ ।
आगजनीमा संलग्न दुई जनालाई प्रहरीले पक्राउ गरेको छ । साउन ६ गते विहान ६ बजेतिर कीर्तिपुरमा मोर्डन ईण्डियन स्कुलका विद्यार्थी लिन गरेको ना १ क १०२३ नम्बरको बसलाई अगजनी भएको थियो ।
आगजनीमा संलग्न भएको आरोपमा महानगरीय प्रहरी अपराध महाशाखाले रुकुम, मग्मा घर भई शंखमुल बस्ने खड्क बहादुर केसी र धादिङ्ग कल्लेरी ३ का नरेश ठकुरीलाई भृकुटीमण्डपबाट पक्राउ गरेको छ ।
भृकुटीमण्डपबाट पक्राउ गरेका उनीहरुलाई आवश्यक कारवाहीको लागि महानगरीय प्रहरी वृत्त कीर्तिपुर पठाइएको छ ।