दशैंमा रेमिट्यान्स पठाउँदै हुनुहुन्छ ? दररेट हेर्नुस्

२४ असोज, काठमाडौं । विदेशमा रहने नेपालीले नेपालमा रेमिट्यान्स पठाउने मुख्य सिजन यही नै हो । दशैंलाई लक्षित गरी विदेशमा रहनेले अहिले धमाधम रेमिट्यान्स नेपाल पठाइरहेका छन् ।

तर, पछिल्लो समय मलेसिया सहितका खाडी मुलुकका मुद्राको बिनिमय दर नेपालमा कमजोर बन्दा धेरै विदेशमा रोजगारी गर्ने नेपालीलाई मर्का परेको छ । अमेरिकी डलरको मूल्य १ सय रुपैयाँभन्दा माथि जाादा धेरै नेपाली कार्यरत मुलुकको मुद्राको बिनिमय दर घट्दा बढी श्रमिक वर्ग प्रभावित छन् ।

कुन मुद्राको मुल्य कति ?

केही समयअघि २९ रुपैयाँसम्म पुगेको मलेसयन रिङगेटको रेट खरिददर आइतबार २५ रुपैयाँ १७ पैसा छ । विगत एकमहिना २४ रुपैयाँको हाराहारीमा रहेको मलेसियन रिङ्गेट जेनतेन २५ रुपैयाँ माथि उक्लिएको छ । राष्ट्र बैंकले आइतबार प्रकाशित गरेको खरिददरमा २५ रुपैयाँ १७ पैसा भएपनि बाणिज्य बैंहरुले त्यसमा पनि घटाएर दररेट तोक्ने गरेका छन् ।

मलेसियन रिङ्गेट विस्तारै उकालो लागेपनि कतार, साउदी र युएईका मुद्राको सटही दर भने विगत एकमहिना यता सुस्त दरमा घट्दै गएको छ । एकमहिना अघि २७ रुपैयाा २३ पैसा रहेको साउदी रियालको खरिददर आइतबार २७ रुपैयाँ ५६ पैसामा झरेको छ ।

यसैगरी एकमहिना अघि २९ रुपैयाँ ८ पैसा रहेको कतारी रियालको मूल्य अहिले २८ रुपैयाँ ५४ पैसा छ । यस्तै २८ रुपैयाँ ८३ पैसा रहेको दुबइ दिहिरामको मूल्य २८ रुपैयाँ २३ पैसामा झरेको छ ।

कोरियन वनको मूल्य भने समान्य बढेको छ । गत एक महिनामा प्रति एकसय कोरियन वनको मूल्य ८ रुपैयाँ ९६ पैसाबाट ९ रुपैयाँ ५ पैसामा आईपुगेको छ ।

एक महिनाको बीचमा मलेसियासहितको खाडी मुलुकको मुद्रामा थोरै उतारचढाव देखिएको थियो । तर, दशैंको मुखमा आएपछि भने मुद्राको अवमूल्यन हुादा वैदेशिक रोजगारीमा जानेहरु चिन्तित छन् ।