२०७२ कात्तिक १ गते ९:२९ 
१ कात्तिक, काठमाडौं । राहम स्टर्लिङको हृयाट्रिकसँगै म्यानचेष्टर सिटीले बोर्नमाउथको पोष्टमा पाँच गोल गरेको छ ।
प्रिमियर लिग फुटबलमा शनिबार राति भएको खेलमा लिग लिडर म्यानचेष्टर सिटीले बोर्नमाउथलाई ५-१ गोल अन्तरले पराजित गरेको हो । चोटका कारण स्टार स्ट्राइकर सर्जिओ एग्युरो मैदान बाहिर रहेको खेलमा सिटीका स्टर्लिङ र बोनी चम्किए ।
घरेलु मैदान इत्तेहाद स्टेडियममा भएको खेलमा सिटीले सातौं मिनेटमा स्टर्लिङको गोलबाट अग्रता लियो । ११ औं मिनेटमा बोनीले गोल गर्दै अग्रता दोब्बर पारे ।
बोर्नमाउथका लागि २२ औं मिनेटमा मुर्रेले गोल गरे । त्यसको सात मिनेटपछि नै स्टर्लिङले दोस्रो गोल गरे भने पहिलो हाफको अन्तिम मिनेटमा हृयाट्रिक पुरा गरे ।
खेलको ८९ औैं मिनेटमा बोनीले व्यक्तिगत दोस्रो गोल गर्दै म्यानचेष्टर सिटीलाई ५-१ को फराकिलो जित दिलाए ।
प्रतिक्रिया 4