काठमाडौं । चलचित्र ‘चकलेट’ का निर्देशक निर्मल शर्मा ‘गैंडा’ले फिल्म निर्देशन वापतको बाँकी पारिश्रमिक वालवालिकाका लागि दिने भएका छन् ।
चकलेटकी निर्मात्री पूजना प्रधानले अहिले १८ अनाथ वालवालिकालाई आफ्नै प्रयासमा पाल्दै आएकी छिन् । तिनै अनाथ वालवालिकाका लागि घर बनाउने योजना छ उनको ।
‘मैले केही सहयोग गर्दा अनाथ वालवालिकाको भविष्य उज्जवल हुन्छ भने उनीहरुका लागि राम्रै हुन्छ भनेर बाँकी पारिश्रमिक नलिने निर्णय गरें ।’ उनले भने ।
फिल्ममा काम गरेवापत उनले १ लाख २१ हजार रुपैया लिन बाँकी छ । त्यो रकम अनाथ वालवालिकाको भवन निर्माणमा खर्च गरिने भएको छ ।
पूजना स्वयंले पनि फिल्मले लगानी उठाएपछि बाँकी नाफा भवन निर्माणमै लगाउने बताएकी छिन् ।