बलिउड नायक बरुण धवन अहिले खुबै चर्चामा छन् । बरुणले अभिनय गरेको चलचित्र ‘दिलवाले’ डिसेम्बर १८ मा प्रदर्शनमा आउँदैछ । यो चलचित्रमा नायक साहरुख खान र काजोल मुख्य भूमिकामा छन् ।
यो चलचित्रको नयाँ गीत ‘मनमा इमोशन जागे’ सार्वजनिक भएको छ । गीतमा बरुण र कृती सेननलाई फिचरिङ गरिएको छ । गीत सार्वजनिक कार्यक्रममा बरुणले आफूलाई साहरुख अभिनित २ चलचित्रको रिमेकमा काम गर्न मन लागेको बताए ।
उनले भने-‘मलाई साहरुखको डर र बाजिगर चलचित्रको रिमेकमा काम गर्न मन छ ।’ बरुणले आफूले धेरै रोमान्टिक भूमिका गरेको भन्दै अब केही बदलाका चलचित्र गर्न मन लागेको बताए ।
साहरुख खानबाट आफू धेरै प्रभावित रहेको बताउने वरुणले ‘दिलवाले’ पारिवारिक चलचित्र बनेको पनि बताए ।
