के के बढ्यो के के कुन्नी तलब कहिलै बढ्या हैन
पाँचरुप्पेको गोल्भेडा नि तीस घटी पाउनु छैन ।
मासु को त कुरै छाडौ नुन्तेल किन्नै गाह्रो भा थ्यो
फलफुल र गेडागुडि एक छाक खान साह्रो भा थ्यो ।
उध्रिएको लुगा धरी रफु गरी टालेको थे
पढाउन छोराछोरी सरकारीमा हालेको थे ।
महङी चाँही नरोकिने हेर्दाहेर्दै आकाश छुने
आँट थेन कपडा किनेको पानीले धुने ।
जुत्ता फेर्न तलुवामा भ्वाङ ठुलै पर्नै पर्थ्यो
भाडा लिन घरबेटिले हप्की दप्की गर्नै पर्थ्यो ।
भुकम्प र नाकाबन्दी आलो पालो गर्दै आए
अभावले निधारमा मुजाहरु भर्दै ल्याए ।
बुध्दी पुर्याइ जसोतसो एउटा जागिर खाएको थे
पैसा खुवाइ जागिर हान्न आसामी लाएको थे ।
आज जागिर मेरो लागि लैनु भैंसी बराबर भो
चौथाइ बड्दा सोह्र हजार आँखाचिम्ली सरासर भो ।
मासु खान अब मलाई दसैं कुर्नु पर्ने छैन ।
तलब बढ्यो येसैपालि खुशी कति कुरै छाडौ
जस्को बढ्यो तलब उस्ले केक काटी सब्लाई बाडौ ।
साउन भदौ बितेपछी खसी किन्ने दशै अाइगो
ग्वाम्म तलब मुठ्ठ्याउदा शान बेग्लै हुने भईगो ।
फाइनान्सको पन्ध्र लाख रीण अब तिर्ने भाछु
अफिस जादा खुट्टै दुख्यो स्कुटर नि किन्नेमा छु ।
पाटी गोस्ठी जादा खेरी एकजोर सुटपाइन्ट किन्नै पर्यो
दुइचार वटा कम्पनीको शेयर पनि लिनै पर्यो ।
अधिकारी रबिन्द्र, बनेपा
