बिहीबार, ८ भदौ, २०७४
OnlineKhabar.com

अनुपम र ज्ञानुलाई युवा वर्ष मोती पुरस्कार

अनलाइनखबर

२७ साउन, काठमाडाैं । नेपाली भाषा साहित्यको उत्थान र यसको श्रीवृद्धिमा उल्लेखनीय योगदान गरेबापत यो वर्षको मोती पुरस्कार रुपन्देहीकी अनुपम रोशी र चितवनकी ज्ञानु अधिकारीलाई संयुक्तरुपमा प्रदान गरिने भएको छ ।

युवा वर्ष मोती पुरस्कार छनोट समितिका अध्यक्ष कालीप्रसाद रिजालको अध्यक्षतामा बसेको बैठकले साहित्यकारद्वय रोशी र अधिकारीलाई ५० हजार राशिको पुरस्कार प्रदान गर्ने निर्णय गरेको राष्ट्रिय युवा सेवा कोषले जनाएको छ ।

युवा वर्ष मोती पुरस्कारको ३२ वर्षको इतिहासमा संयुक्त रुपमा दुई महिला साहित्यकारलाई पुरस्कार दिन लागिएको यो पहिलोपटक हो ।

उपन्यासकार अनुपम रोशीका कुमारी आमा, नाङगो मान्छे र कालो छायाँ गरी तीन उपन्यास प्रकाशित छन् भने ज्ञानु अधिकारी समालोचनाका क्षेत्रमा सक्रीय छिन् ।

कोषका अनुसार १५२ औँ मोती जयन्तीका अवसरमा आगामी भदौ ५ गते उनीहरूलाई स्वर्ण पदकसहित पुरस्कार प्रदान गरिनेछ ।

राष्ट्रिय विभूति युवाकवि मोतिराम भट्टको स्मृतिमा कोषले २०४२ सालमा स्थापना गरेको यस पुरस्कारबाट हालसम्म ६० जना युवा स्रष्टा सम्मानित भइसकेका छन् ।

२०७४ साउन २७ गते ११:१० मा प्रकाशित
अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

यसमा तपाइको मत




फेसबुकबाट तपाईको प्रतिक्रिया

सम्बन्धित शीर्षकहरु

Also you may like this