६ भदौ, बाँके । बाढीले उनको बास डुबायो । थातबास डुबेपछि उनले सडकलाई नै घर बनाए । बाढीले सडकमा पुगेका उनको सडकको बसोबासकै कारण इहलिला समाप्त भएको छ ।
सडकको छेउमा सुतिरहेको अवस्थामा ट्र्याक्टरले किचेपछि उनकाे ज्यान गएकाे हाे ।
जिल्लाको नरैनापुर गाउँपालिका वडा नं ६ स्थित गंगापुरका ५५ वर्षीय रामखेलावन मुराउलाई सोमबार बिहान ट्र्याक्टरले किचेको प्रहरीले जनाएको छ ।
घाइते मुराउको उपचारका लागि नेपालगञ्ज मेडिकल कलेजमा उपचारका क्रममा मृत्यु भएको हो । उनलाई बाढीपीडितका लागि राहत सामग्री बोकेको भे १ त ७४४२ नंको ट्र्याक्टरले किचेको थियो ।
