बलिउडका चर्चित नायक तथा नायिकाहरुको ध्यान यतिबेला नेपालमा पर्न थालेको छ । नेपाली बजारबाट समेत राम्रो शेयर प्राप्त हुन थालेपछि बलिउडका चर्चित फिल्म कम्पनीहरुको ध्यान नेपाल तर्फ सोझिएको हो ।यसैक्रममा शुक्रबारबाट प्रदर्शनमा आउन लागेको बलिउड चलचित्र ‘ग्राण्ड मस्ती’का तिन नायकले नेपालीलाई सम्बोधन गर्दै सिनेमा हेरिदिन आग्रह गरेका छन् । दर्शना आट्सले नेपालमा वितरण गर्न लागेको यो सिनेमा पूर्णतया कमेडी छ । चलचित्रका बिवेक ओवराय, रितेश देशमुख, अप्ताबको मुख्य भूमिका छ ।
दर्शना आट्सले सार्वजनिक गरेको भिडियोमा बिवेक ओवरायले नेपाली भाषामा कुरा गरेको देख्न सकिन्छ । उनले ग्राण्ड मस्ती हिट भएको खण्डमा नेपाल आउने बताएका छन् । यस्तै नायक अप्ताबले आफूहरु नेपाल आउन चाहेको भन्दै नेपालीलाई फुर्काउन खोजेका छन् ।