२७ भदौ, काठमाडौं । नेपाली बजारमा बिहीबार अमेरिकी डलरको बिक्री मूल्य १०२ रुपैयाँको हाराहारीमा कारोबार बन्द भएको छ ।
नेपाल इन्भेष्टमेन्ट बैंकले पछिल्लो पटक अपरान्ह डलरको बिक्री मूल्य १०२.१५ रुपैयाँ र खरिद मूल्य १०१.०४ रुपैयाँ निर्धारण गरेको थियो । अन्य वाणिज्य बैंकले पनि सोही दर वा नजिकैकको दरमा डलर कारोबार गरेका थिए ।
१०९ रुपैयाँ पुगेको डलरको मूल्य यो हप्ताको सुरु आइतबारदेखि क्रमशः घट्दै आएको हो । डलरको मूल्य ८८ देखि ९२ रुपैयाँको बीचमा झर्ने अनुमान विल्लेषकहरुले गरेका छन् । पछिल्लो समय डलरको मूल्य बढ्नु अघि डलरको बिक्री दर ८७ रुपैयाँ रहेको थियो ।
