२८ भदौ, नुवाकोट । नुवाकोटको गणेस्थान गाँउ विकास समितिको वडा नम्बर ४ फेदीमा किसानहरुले कुलो मर्मत गर्नको लागि सडक प्रयोग गर्दा यातायातमा समस्या भएको छ ।
खहरेखोलाबाट ल्याएको पानीलाई सिचाईको लागि खेतसम्म लैजान प्रयोग गरिएको ढलमा समस्या आएपछि फेदीबेसीमा सडक नै खन्नुपरेपछि यातायातमा समस्या आएको हो । किसानहरुले पानी ल्याउन प्रयोग गर्दै आएको ढल अबरुद्ध भएपछि मर्मत अस्ति बुधबारदेखि नै सुरु गरेका थिए । सडकबाट लगिएको पानीलाई सुचारु बनाउनको लागि हिजो सडकको बीचबाट नै वारपार खन्नुपर्दा सडक आवगमनमा समस्या आएको हो ।
किसानहरुले खहरेखोलाबाट ल्याएको पानी बरबोटे, चारसय बगर, अमले, बाख्रे लगायतका स्थानमा रहेको खेतमा सिचाँई गरिदै आएको छ ।
