१६ असार काठमाडौं । सोमबार नेपाली बजारमा प्रतितोला सुनको मूल्य दुर्इ सय रूपैयाँले गिरावट अाएको छ । नेपाल सुनचाँदी व्यवसायी संघका अनुसार सोमबार एक तोला सुन नेपाली बजारमा ५३ हजार ८ सय रूपैयाँमा कारोबार भइरहेको छ । केही दिनदेखि सुन तोलाको ५४ हजार रुपैयाँमा कारोबार भइरहेको थियो ।
उता भारतीय बजारमा सुनको मूल्य सुधार हुने क्रममा रहेको भारतीय सञ्चार माध्यमहरूले जनाएका छन् । बिहानी सत्रमा प्रतिदशग्राम सुनको मूल्य २५ भारुले घटेकोमा करिब साढे ११ बजे भने १५ भारुले मूल्य घटेको छ । प्रतिऔंस सुन २७ हजार छ सय ५७ भारुमा कारेबार भयो । नेपाली बजारमा चाँदीको मूल्य भने तोलामा पाँच रुपैयाँले घटेर आठ सय ३५ रुपैयाँमा कारोबार भएको सुनचाँदी व्यवसायी महासंघले जनाएको छ ।