नेपाली सिनेमाका चकलेटी नायक आर्यन सिग्देलले आफ्नो चलचित्र ‘अलबिदा’को टिमसँगै ईद मनाएका छन् । मुस्लिम धर्मावलम्वीहरुको ठूलो पर्व इदउल फित्रका अवसरमा निर्माता तथा कलाकार हसन खानले आफ्नै घरमा एक कार्यक्रमको आयोजना गरेका थिए ।
उनले निर्माण यूनिटसँगै केही साथीहरुलाई बोलाएर ईद मनाएका हुन् । ईदको खुशीयाली साट्न ‘अलबिदा’ अभिनेत्री अनिता आचार्य, निर्देशक लक्ष्मण रिजाल पनि पुगेका थिए । हसन र आर्यनले सम्पूर्ण नेपालीलाई ईद पर्वका अवसरमा शुभकामना पनि दिएका छन् ।