८ भदौ, काठमाण्डौ । बिश्वप्रसिद्ध सिटी स्क्यान मेसिन उत्पादक कम्पनी सिमेन्सले उत्पादन गर्ने ‘सोमाटोम इमोसन’ मोडलको ८८४८ औं मेसिन काठमाण्डौको बाँसबारीस्थित न्यूरो अस्पतालमा जडान गरिएको छ ।
कम्पनीले सगरमाथाको उचाइ ८८४८ मिटरसँग मिल्ने उक्त संस्करण सगरमाथाकै देशमा जडान भएको संयोगलाई गौरवको विषय मान्दै सो अस्पतालका निर्देशक एवं बरिष्ठ चिकित्सक डा. उपेन्द्र देवकोटालाई सम्मान गरेकोे छ ।
यो संयोगप्रति खुसी ब्यक्त गर्दै सिमेन्स कम्पनीका दक्षिण एसिया क्लस्टर हेड रिचार्ड गेस्टले डा. देवकोटालाई सम्मान गरेका हुन् ।
अत्याधुनिक उपकरण जडित यो अस्पतालमा नेपालको स्नायु रोग उपचारका लागि ख्यातिप्राप्त छ । अत्याधुनिक मेसिन जडान भएपछि रोग पहिचानका लागि अझ सजिलो हुने डा. देवकोटाले बताए ।
