सफल सिनेमा ‘झोला’ अाेस्कार अवार्डका लागि छानिएको छ । विदेशीभाषी सर्वोत्कृष्ट चलचित्र छनोट समिति (नेपाल)ले यो चलचित्रलाई अाेस्कारका लागि छनोट गरेको हो । द एकेडेमी अफ मोशन पिक्चर आर्टस एण्ड साइन्सेसद्वारा सन् २०१५ फेब्रुअरी २२ तारिखका दिन संयुक्त राज्य अमेरिकाको लस एन्जल्समा आयोजना हुने ८७ औं एकेडेमी अवार्ड (अाेस्कार अवार्ड) का लागि ‘झोला’लाई पठाउने निर्णय गरिएको हो ।
चलचित्र ‘मोक्ष’ र ‘झोला’ प्रतिस्पर्धामा थिए । यादव भट्टरार्इले निर्देशन गरेको यो चलचित्रले विभिन्न अन्तरराष्ट्रिय अवार्ड जितिसकेको छ ।